Denni Trexo
Denni Treho | |
---|---|
ing. Dan «Danny» Trejo | |
![]() | |
Doğum tarixi | |
Doğum yeri | Los-Anceles, ABŞ |
Vətəndaşlığı |
![]() |
Fəaliyyəti | aktyor |
Fəaliyyət illəri | 1985—günümüzədək |
Boyu | 1,59 m |
IMDb | ID0001803 |
![]() |
Den (Denni) Treho (ing. Dan «Danny» Trejo; doğ. 16 may 1944, Los-Anceles) —ABŞ aktyoru.
Həyatı
[redaktə | mənbəni redaktə et]Kiçik Denni Traho (Dan Trejo Jr) 16 may 1944-cü ildə ABŞ-nin Los-Anceles şəhərində dünyaya gəlib. Denni gənc olarkən heç də nümunəvi bir oğlan deyildi. Narkotik və cinayətkarlıq onun daimi yol yoldaşı idi. O 9 yaşında olarkən boksla məşğul olur, narkotiklərin dadına isə daha əvvəldən baxmışdı. Onun tezliklə həbs edilməsi heç də təəccüb doğurmur və o bu günə qədər 9 həbsxanada olub.
İllər keçdikdən sonra narkotik asılılığından xilas olan Denni Traho reabilitasiya mərkəzində işləyərək digərlərinə də bu asılılıqdan xilas olmağa kömək etməyə çalışır.
O "Runaway Train" filminin çəkiliş meydançasına təsadüfən gəlib çıxır. Onun həbsxana keçmişini öyrəndikdə ondan Erik Roberts-ə boksun "türmə variantı" ilə bağlı bir neçə fənd göstərməsini təklif edirlər. Bu zaman onun aktyorluq bacarığı kəşf olunur və ona kiçik bir rol verilir. Denni başa düşür ki, onun həyatında yeni bir səhifə açılıb və özünə agent təyin edir.
Trahonun karyerasında uğur qazanmasına səbəb olan bir cəhət də onun məşhur rejissor Robert Rodrigesin qohumu olması idi. Rejissor dəfələrlə qohumunu filmdə çəkilməyə dəvət edir.
O bu günə qədər təqribən 100-dən çox filmdə çəkilib. Bu filmlərin hamısı yüksək səviyyəli ekran əsəri olmasa da, Denni-nin canlandırdığı rollar izləyicilərin yaddaşında qalmağı bacarıb.
İllər ərzində çəkiliş meydançasında Silvester Stallone, Jan Klod Van Damm, Antonio Banderas, Salma Hayek, Erik Roberts, Jeffrey Lewis, Kventin Tarantino və s. məşhur aktyorlarla partnyor olmuşdur. Aktyor həmçinin bir neçə filmin yaradılması zamanı ortaq prodüser olaraq çalışmışdır.
Aktryor bu yaxınlarda öz həyat yoldaşından ayrılıb və onun üç övladı var.
Filmoqrafiya
[redaktə | mənbəni redaktə et]Xarici keçidlər
[redaktə | mənbəni redaktə et]![](https://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)