Lifli yukka

Lifli yukka
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Birləpəlilər Dəstə: Qulançarçiçəklilər Fəsilə: Qulançarkimilər Yarımfəsilə: Agavoideae Cins: Yukka ???: Lifli yukka
Beynəlxalq elmi adı
Yucca filamentosa L., 1753
Şəkil axtarışı ITIS   43140 NCBI   55960 EOL   1083613

Lifli yukka (lat. Yucca filamentosa) — qulançarkimilər fəsiləsinin yukka cinsinə aid bitki növü.

Təbii yayılması

Şimali Amerikada Missisipi, Cənubi Karolina və Floridada geniş yayılmışdır.

Botaniki təsviri

Hündürlüyü 2-4 m-ə qədərdir. Gövdəsi yoxdur və ya çox zəif inkişaf etmişdir. Yarpaqları göyümtül-yaşıl rəngli, uzunluğu 70 sm-ə qədər, eni 4 sm olub, ucu biz xətvaridir, kənarlarında şoxsaylı ağ, nazik, buruq saplaqları, çoxlu yarpaq rozetləri vardır. Sarı və ya ağ yarpaqları olan alabəzək yarpaqlı formaları vardır. Çiçək süpürgəsinin hündürlüyü 1-3 m-ə çatır, süpürgə oxu çılpaqdır. Çiçəkləri sallaq, sarımtıl-ağ rəngdədir, 5-7 sm uzunluqdadır. Çiçəkləmə dövründə dekorativ görünür. Abşeronda iyun-iyul aylarında çiçək açır. Meyvəsi yumru qutucuqdur, diametri 5 sm-ə çatır. Süni tozlanma nəticəsində cücərmə qabiliyyətli toxumlar almaq olar. Bölünmüş gövdə ilə çoxaldılır.

Ekologiyası

Quraqlığa və istiyə davamlı kol bitkisidir. Kök sistemi torpağın dərinliyinə daxil olur. Tərkibində kalsium olan məhsuldar torpaq tələb edir. Abşeronun qısamüddətli şaxtalarına dözür.

Azərbaycanda yayılması

Lənkəran, Gəncə, Abşeron,Kür-Araz düzənliyi və Zaqatalada mədəni şəraitdə becərilir.

İstifadəsi

Bağlarda və parklarda dekorativ bitki kimi becərilir.

Məlumat mənbəsi

• Tofiq Məmmədov, "Azərbaycan dendroflorası II cild", Bakı:-"Səda"-2015. Arxivləşdirilib 2019-11-17 at the Wayback Machine