Komboloi
![](https://upload.wikimedia.org/wikipedia/commons/thumb/8/82/Amber-Kombol%C3%B3i.jpg/220px-Amber-Kombol%C3%B3i.jpg)
![](https://upload.wikimedia.org/wikipedia/commons/thumb/0/07/Komboloi_-_how_to_use_it_%28loud%29.svg/220px-Komboloi_-_how_to_use_it_%28loud%29.svg.png)
![](https://upload.wikimedia.org/wikipedia/commons/thumb/8/8c/Four_Kombologia.jpg/220px-Four_Kombologia.jpg)
Komboloi (basa Yunani: κομπολόι) inggih punika aksésoris sané kakaryanin anggén manik-manik sané malakar aji watu amber, tulang, pérak, kaca, taru dll. Manik-maniké katebek ring tengahné tur kapasang ring benang sané muncukné kaiket. Ring muncuk komboloi ketahné wénten jambot malakar aji sutra utawi ring masa modéren aji lakar sané tiosan. Komboloi kaanggén ring Yunani miwah Siprus utamannyané olih anak lanang pinaka palalian. Anak akéh nganggén komboloi mangda muputang maroko.
Komboloi mawit saking tasbih utawi rosario sané kaanggén ring akéh tradisi agama (Muslim, Katolik, Nasrani Ortodoks). Nanging, béda bandingang ring tasbih miwah rosario, komboloi puniki nénten wénten artos utawi tatujon agamawi.[1]
Duk riin, ngantos tengahné abad ka-19, komboloi kaanggén olih jadma sané mabuat tur makuasa. Jadma kasub sané nganggén komboloi duk abad ka-20 rumasuk Andreas Papandreou, Mahamantri Yunani, Glafkos Kliridis, Présidén Siprus, Aristotélis Onasis dll.
- ↑ "history of komboloi (ring basa Yunani)". komboloi.org. Kaarsipin saking versi asli tanggal 2020-08-04. Kaaksés 2019-11-01.