Konstantinos Kavafis
![](https://upload.wikimedia.org/wikipedia/commons/thumb/e/e2/Constantine_Cavafy%2C_ca_1900.jpg/220px-Constantine_Cavafy%2C_ca_1900.jpg)
Konstantinos Kavafis utawi Kavafi miwah Cavafy (basa Yunani: Κωνσταντίνος Καβάφης; 29 April 1863 - 29 April 1933) inggih punika pangawi miwah wartawan Yunani sané embas tur urip ring kota Aléksandria ring Mesir. Ida kasengguh pinaka silih tunggil pangawi sané pinih mabuat ring jagaté mawinan gayannyané sané unik. Kavafi nyurat puisi antuk basa Yunani sané campuhan basa modéren baku, basa daérah miwah basa Yunani kuno.
Kavafi nyurat 154 puisi sané jangkep miwah akéh sané nénten jangkep. Daweg Ida kantun urip, Ida nénten wedarang puisinnyané sajabaning sareng timpalnyané miwah anak-anak sané kapilih Ida. Puisi sané pinih becik tur mabuat kasurat sasampun Kavafi mayusa 40, raris kawedarang sasampun pademnyané. Puisinnyané sané pinih kasub inggih punika Ithaka. Puisi-puisi Kavafi sampun kasalinang ring akéh basa.[1]
- ↑ "Constantine P. Cavafy". Encyclopaedia Britannica.