Taman Nasional Ujung Kulon
Taman Nasional Ujung Kulon | |
---|---|
Taman Nasional Ujung Kulon | |
IUCN Kategori II (Taman Nasional) | |
![]() | |
Genah ring Nusa Jawa | |
Genah | Banten, Jawa, Indonésia |
Nampek kota | Cilegon |
Koordinat | 6°44′48″S 105°20′1″E / 6.74667°S 105.33361°E |
Jimbar | 122,956 ékar (497.59 km2) |
Kaadegang | 26 Pébruari 1992 |
Karauhin | 2,385; sawatara 12,000 ring 2014. (warsa 2007[1]) |
Sané Ngalola | Kementerian Lingkungan Hidup dan Kehutanan Républik Indonésia |
Situs Tetamian Gumi | 1991 |
Situs web | ujungkulon.org |
![]() | |
Kritéria | Palemahan: vii, x |
Pustaka | 608 |
Prasasti | 1991 (sési ka-15) |
Taman Nasional Ujung Kulon (aksara Bali: tamannasiyonalaᵒujuŋkulon·) inggih punika silih tunggil taman nasional sané wénten ring wewidangan pinih kauh Pulau Jawa, Indonésia. Wewidangan taman nasional punika sadurungnyané ngantos ka wewidangan Krakatau miwah makudang-kudang pulau alit sakadi Pulau Handeuleum, Pulau Peucang, miwah Pulau Panaitan. Wewidangan taman nasional punika jimbarnyané sawatara 122.956 Ha tur sawatara 443 km² saking jimbar punika mawentuk pasih, sané kakawitin saking Semenanjung Ujung Kulon ngantos Samudera Hindia. Ujung Kulon pinaka taman nasional sané pinih tua ring Indonésia sané sampun karesmiang dados silih tunggil Warisan Dunia sané kalindungin oleh UNESCO ring warsa 1991. Taman punika kalindungin krana wewidangannyané ngantos alas lindung sané jimbar. Ngantos ring galahé puniki wénten kirang langkung 50 ngantos 60 badak sané wénten ring genah punika.
Sadurungnyané punika Ujung Kulon marupa wewidangan pertanian, nanging wewidangan punika nyag ri tatkala Gunung Krakatau maletus ring tanggal 27 Agustus 1883. Sasampun punika wewidangan Ujung Kulon malih kadadosan alas. Tikét ngranjing ring Ujung Kulon punika dados karereh ring kantor Balai Taman Nasional ring Labuan utawi ring pos Tamanjaya. Wénten taler genah sirep ring désa Tamanjaya, Pulau Handeuleum miwah Pulau Peucang. UNESCO taler sampun ngicénin jinah tur bantuan majeng ring taman punika.
Wewidangan Ujung Kulon sané kapertama kajelajahin olih ahlo botani Jerman sané mawasta F. Junghuhn, ring warsa 1846. F. Junghuhn madué tetujon antuk ngumpulang tetaneman tropis. Ring galah punika kawéntenan buron miwah tetaneman ring Ujung Kulon sampun nglimbak ring para peneliti. Taman punika taler sampun naenin ngranjing ring silih tunggil jurnal ilmiah. Kawéntenan tsunami sané ngancurang wewidangan punika, ngawinang para buron miwah entik-entikané padem. Sasampun punika buron miwah entikan punika wénten malih ring taman punika.
Kawéntenan katetapan kawasan ring taman punika wénten makudang-kudang tahap, inggih punika:
Manut saking rékomendasi saking Perhimpunan The Netherlands Indies Society for The Protectin of Nature, Semenanjung Ujung Kulon miwah Pulau Panaitan sané katetapang olih Pamerintah Hindia Belanda dados Kawasan Suaka Alam manut SK Pemerintah Hindia Belanda Nomer: 60 Tanggal 16 Novémber 1921.
Besluit Van Der Gouverneur – General Van Nederlandch – Indie manut keputusan Nomer: 17 Tanggal 24 Juni 1937 netapang status kawasan Suaka Alam punika kauwah dados Kawasan Suaka Margasatwa tur kawewehin olih Pulau Peucang dan Pulau Panaitan.
Manut saking SK Menteri Pertanian Nomer: 48/Um/1958 Tanggal 17 April 1958 Kawasan Ujung Kulon kauwah statusnyané malih dados Kawasan Suaka Alam tur kawewehin olih wewidangan pasih sané jimbarnyané sawatara 500 méter saking bates yéh pasih surut pinih endep.
Manut SK Menteri Pertanian Nomer: 16/Kpts/Um/3/1967 Tanggal 16 Maret 1967 Kawasan Gunung Honje Selatan sané jimbarnyané 10.000 Ha tur madampingan sareng pahan Timur Semenanjung Ujung Kulon katetapang dados Cagar Alam Ujung Kulon.
Manut SK Menteri Pertanian Nomer: 39/Kpts/Um/1979 Tanggal 11 Januari 1979 Kawasan Gunung Honje Utara sané jimbarnyané 9.498 Ha kawewehin ka Cagar Alam Ujung Kulon.
Manut Keputusan Menteri Kehutanan Nomer: 284/Kpts-II/1992 Tanggal 26 Pébruari 1992, Ujung Kulon katunjuk dados Taman Nasional Ujung Kulon sané jimbarnyané 122.956 Ha tur kapah dados wewidangan darat 78.619 Ha miwah wewidangan pasih 44.337 Ha.
Kawéntenan wates-wates wewidangan alas negara, panglimbakannyané wénten makudang-kudang tahap, inggih punika:
Kalaksanayang Tata Batas ring Cagar Alam Gunung Honje, Gatra Acara Tata Batas ring Tanggal 26 Maret 1980, tur karesmiang ring Tanggal 2 Pébruari 1982 olih Menteri Pertanian.
Kalaksanayang Rekonstruksi Batas Taman Nasional Ujung Kulon wewidangan G. Honje olih Badan Planologi Kehutanan. Badan Planologi Kehutanan, Taman Nasional Ujung Kulon sané kawantu olih pamerintah New Zealand sané masang 6 inggih punika 1 Rambu suar, miwah 5 pelampung sané kadadosang wates wewidangan pasih.
Badan Planologi Kehutanan masang rambu suar kuning di Tj. Alang – alang miwah pamancangan titik refensi ring Tj. Sodong, Tj. Layar, Tj. Alang – alang, Tj. parat miwah Tj. Cina. Badan Planologi Kehutanan ngalaksanayang pangukuran wates alam pasih Semenanjung Ujung Kulon. Manut saking SK Menteri Kehutanan miwah Perkebunan Nomer: 758/Kpts-II/1999 Tanggal 23 Séptémber 1999 netapang Kawasan Perairan Taman Nasional Ujung Kulon jimbarnyané 44.337 Ha dados Kawasan Pelestarian Alam Perairan.
Balai Pemantapan Kawasan Hutan ( BPKH ) wewidangan XI Jawa – Madura nglaksanayang Rekonstruksi Batas Taman Nasional Ujung Kulon ring wewidangan Gunung Honje.
Kawasan Taman Nasional Ujung Kulon kadadosang wewidangan sané kalindungin manut saking Undang-undang No.5 warsa 1990 indik Konservasi Sumberdaya Alam miwah Undang-undang No.41 warsa 1999 indik Kehutanan, sampun ngamolihang pangakuan dados wewidangan sané penting tur kabanggayang ring nasional miwah internasional, sakadi:
Komisi Warisan Dunia UNESCO netapang Taman Nasional Ujung Kulon dados Natural World Heritage Site (Situs Warisan Alam Dunia) manut saking Surat Keputusan Nomor: SC/Eco/5867.2.409 Tanggal 1 Fébruari 1992.
Pinaka Kawasan Strategis Nasional saking sisi pentingnyané fungsi miwah daya dukung lingkungan hidup (ring Peraturan Pamerintah No. 26 twarsa 2008 indik Rencana Tata Ruang Wilayah Nasional).
Kawasan Taman nasional Ujung Kulon manut saking administrasinyané magenah ring Kecamatan Sumur miwah Kecamatan Cimanggu, Kabupatén Pandeglang, Banten. Manut saking géografis Taman Nasional Ujung Kulon genah sawatara (06°52′17″S 105°02′32″E) miwah (06°30′43″S 105°37′37″E).
Manut saking Surat Keputusan Menteri Kehutanan No. 284/Kpts-II/1992 tanggal 26 Fébruari 1992 indik Perubahan Fungsi Cagar Alam Gunung Honje, Cagar Alam Pulau Panaitan, Cagar Alam Pulau Peucang, miwah Cagar alam Ujung Kulon sané jimbarnyané 78.619 Ha miwah Panunjukan pasih sané jimbarnyané 44.337 Ha sané magenah ring Kabupatén Daérah Tingkat II Pandeglang, Provinsi Dati I Jawa Barat dados Taman Nasional sané kawastanin Taman Nasional Ujung Kulon nika mawinan jimbar Taman Nasional Ujung Kulon dados 122.956 Ha.
Wewidangan Taman Nasional Ujung Kulon madué tigang soroh ékosistem inggih punika:
- Ekosistem daratan/teresterial, sané kakapah dados alas hujan tropika dataran rendah sané wénten ring wewidangan Gunung Honje, Semenanjung Ujung Kulon, Pulau Peucang miwah Pulau Panaitan.
- Ekosistem perairan laut sané kakapah dados terumbu karang miwah padang lamun sané magenah ring wewidangan perairan Semenanjung Ujung Kulon, Pulau Handeuleum, Pulau Peucang miwah Pulau Panaitan.
- Ekosistem pesisir pantai terdiri saking hutan pantai sané magenah ring tepi pesisir pantai miwah hutan mangrove ring pahan kaja kangin Semenanjung Ujung Kulon.
Katigang ékosistem punika madué hubungan sané raket tur mawentuk panglimbakan sané jangkep.
- ↑ Forestry statistics of Indonesia 2007, retrieved 20 May 2010
- Kaca antuk argumén ganda ring pangrauhan mal
- Kategori II IUCN
- Koordinat ring Wikidata
- Situs Tetamian Jagat UNESCO ring Indonésia
- Suratan Wikipédia sareng penanda NLI
- Kaca sareng kategori pengawasan otoritas belum dibuat
- Suratan Wikipédia sareng penanda WorldCat-VIAF
- Suratan Wikipédia sareng penanda ganda
- Taman Nasional ring Indonésia
- Banten
- Kaca antuk peta