Tukad Badung
| Tukad Badung Sungai Badung | |
|---|---|
 | |
| Genah | |
| Negara |  Indonésia |
| Propinsi | Bali |
| Kabupatén/Kota | Denpasar |
| Ceciren fisik | |
| Loloan tukad | Teluk Benoa |
| - genah | Benoa |
| - elevasi | 0 m |
| Lantang | 30 km |
Tukad Badung punika tukad sané ngebelah kota Dénpasar. Tukad puniki ngembak sawatara ±30 km [1] saking Kabupatén Badung, ngeliwatin kota Denpasar, taler loloan ipun ring Celuk Benoa, Benoa.[2] Tukad puniki pepes kacemar olih utsaha sablon.[3]
Tukad Badung ngembak saking lereng bukit ring elevasi 150 m saking kalér ngantos kelod ngeliwatin pusat Kota Dénpasar taler ngelimbak nganti Selat Badung.[1] Rata-rata akeh ujan DAS Tukad Badung nganti 65 mm (papat jam) antuk runoff 3.628.459 m³.[4]
Tukad Badung punika muara saking tukad Langan sané katemu ring wewidangan Ubung taler tukad Ketapi (punika kepahan saking tukad Ayung) sané matemu ring wewidangan Pemecutan Kelod.
Analisis kimia nujuang toya sané kamabil ring DAS Tukad Badung saking enem genah meduwé kualitas toya kagolong kacemar mawinan wénten ring duur persyaratan kualitas toya kelas I antuk parameter suhu 29oC, pH (6,00-9,58), BOD (14,00-22,89 mg/L), COD (30,41-122,20 mg/L), miwah kadar deterjen (0,08-0,53 mg/L). Hasil analisis fisika nujuang punika enem conto umumné meambu miwah kerasa, puek ipun (0-11,00 NTU), miwah warna (0-80,00 TCU).[4]
Jimbar wewidangan tukad ipun kirang langkung 37,7 km², lantang nyané kirang langkung 30 km lang méréng tukad nyané kabuletang kirang langkung 1/500.[1]
Tukad Badung punika sinunggil tukad ring kota sané khas saking rasio urbanisasi 55% antuk wewidangan tukad sané mangkin. Sakéwala, kekait antuk genah sané becik pacang mautsaha sekadi genah paumahan, ring galahé rauh pacang wentén 80% ring wewidangan tukad puniki keanggén urbanisasi. Bendung Buagan sané magenah ring ilir punika fasilitas utama tukad keanggén ring subak. Paumahan miwah toko-toko sané padét ring wewidangan tukad sané nujuang tanggul sané kirang tegeh ipun utawi tebé ipun sampun cupit olih wangunan.[1]
Akeh blabar kaulang-ulang ring wewidangan tukad Badung, luwih 200 umah miwah toko nampek pasar Kumbasari sané magenah ring sisi tukad Badung rusak ri tatkala 8 Januari 1980. Pinih untat, 12 Désémber 2005, wewidangan antara Jalan Maruti sané magenah ring ulun nyané miwah Jalan Pulau Misol sané magenah ring ilir tukad Badung karusak olih blabar.[1]
Tebe tukad Badung ketata olih Pemkot Dénpasar nganggén konsep tukad ring Koréa taler kepaduang antuk budaya lokal, penantaan punika sampun narik wisatawan lokal ngedadosang wisata bengi mawinan lampu warna-warni ngiasin tebe tukad punika, yadiastun toya tukad Badung kantun kagolong kacemar.[5]
- ↑ 1,0 1,1 1,2 1,3 1,4 "Bab 4 Fasilitas Pengendalian Banjir untuk Sungai Badung dan Sungai Mati" (PDF), The Comprehensive Study on Water Resources Development and Management in Bali Province (ring Indonesia), Japan International Cooperation Agency
- ↑ Tukad Badung at Geonames.org (cc-by); Last updated 2012-01-17; Database dump downloaded 2015-11-27
- ↑ Aditya Mardiastuti. "Satpol PP Denpasar Akan Tutup Usaha Sablon yang 'Merahkan' Sungai Badung" (ring Indonesia). Detik News. Kaaksés 17 February 2020.[permanent dead link]
- ↑ 4,0 4,1 Amelia, Kevin Muster Regulus; Victor; Barkah, Nursiyam; Déwantama, Iwan (2016), "Dampak Reklamasi Lingkungan Perairan : Studi Kasus Teluk Benoa, Bali, Indonésia" (PDF), Seminar Nasional Ke–3 Fakultas Teknik Geologi Universitas Padjadjaran (ring Indonesia), kaarsipin saking versi asli (PDF) tanggal 2018-04-17, kaaksés 2020-02-22
- ↑ Tukad Badung, Keindahan yang Menyamarkan Pencemaran Sesungguhnya (ring Indonesia), Mongabay, kaaksés 30 Agustus 2019
- All articles with dead external links
- Articles with dead external links from October 2022
- Suratan sareng parameter tanggal ten valid ring mal
- Articles with permanently dead external links
- Infobox mapframe sane nenten madue OSM relation ID ring Wikidata
- Kaca puniki ngangen kotak inpo tukad antuk parameter nenten kauningin
- Tukad ring Bali
- Kaca antuk peta