Quöntext voh da Seiten Weana Schmäh auhschauh

{{Dialekt-oben|Ostmittlboarisch|Weanarisch|Sort=Österreich}}

Da '''Weana Schmäh''' is a facettnreicha Hamua und a Gmiatszuastand, den wos ma dena Bewohnan vau [[Wean]] nochsogt. Des is a Oat, wia ma redt oda Sochn mocht und de wos nia gaunz ernst sei wü, nix direkt sogn mecht. A unnochaumliche Mischung:  imma a bissl schwoazza Hamua, oft [[Grantla|grantlnd]], mitunta oaglistig, meistns in freindlicha und charmanta Fuam vapockt. A bsundare Umgaungsfuam, hintagrindig, indirekt, volla Aunspülungen. A Lebmsoat, de fia [[Breiss|Preissn]] imma unvaständlich bleim wiad.

Da Weana Schmäh is ned nua untrennboa mit da [[Weanarisch]]n Sproch vabundn, sundan aa mit da Weana Mentalität. Da Weana Schmäh is oft sarkastisch, maungmoi aa beesoatig gmaant, owa meistns mit Hamua und an Lächln vabundn. Wean is - laut Presseberichtn - de Stod vaum Lächln.<ref>{{Internetquelle | url=http://diepresse.com/home/panorama/wien/596096 | titel= Ländervergleich: "Grantige Wiener" lächeln laut Presseberichten am meisten|hrsg= [[Die Presse]]| datum=2010-09-21 | archiv-url= | archiv-datum= | zugriff=2010-09-25}}</ref>.

== Variantn und vawaundte Begriff ==

* Aansaschmäh: leicht durchschaubora Trick 
* Schmähtandla: Aufschneida, Liagna
* schmähstad: sprochlos, waun da da Schmäh ausgähd

== Bekaunte Vatreta mit Weana Schmäh ==

* [[Wolfgang Ambros]]
* [[Georg Danzer]]
* [[Karl Farkas]]
*[[Jazz Gitti]]
* [[Ernst Happel]]
* [[Georg Kreisler]]
* [[Hans Moser]]
* [[Johann Nestroy]]
* [[Helmut Qualtinger]]
* [[Ferdinand Raimund]]
* [[Friedrich Torberg]]

== Beispü fian Weana Schmäh ==
* Falco: "Ah gäh, waaßt wos Horstl, ma lebt nua amoi - und so wia i glebt hob, is amoi gnua."<ref>[http://www.f-lm.de/?p=1418 Christoph Cöln: ''Der Falke als Decadent'' 13.06.2008 (ins Weanerische iwasetzt, so wias woascheinlich wirklich gsogt hod)]</ref>
* Helmut Qualtinger: "I schupf ollas nua mit l'amour, imma wieda stua auf de Tua mit l'amour."<ref>{{Internetquelle |titel=Helmut Qualtinger: "I schupf alles nur mit l'amour |url=http://www.lyrix.at/de/text_show/47b0e5c0c418357ea773f8ecfbe82c6a-Helmut+Qualtinger_-_I+Schupf+Alles+Nur+Mit+L%27amour |zugriff=2008-11-09 |archiv-url=https://web.archive.org/web/20070128054720/http://www3.lyrix.at/de/text_show/47b0e5c0c418357ea773f8ecfbe82c6a-Helmut+Qualtinger_-_I+schupf+alles+nur+mit+l%27amour |archiv-datum=2007-01-28 }}</ref>
* Georg Danzer: "So an Oamutschgal wie dir schenk' ich an Schülling / oda na i gib da zwa du bist a Zwülling, / wäu aner allan konn doch net so deppat sein, / Hupf in Gatsch und grob di ein..."<ref>[http://www.lyricsmode.com/lyrics/g/georg_danzer/hupf_in_gatsch.html Georg Danzer: "Hupf in Gatsch")]</ref>
* Sog Oida, host du heit Nocht mit'n Kaschpal in da Witzkistn gschlofn oda host an gaunzn Clown gfressn?
* "Küss de Haund gnä' Frau" sogn und "So a bleeds Trutscherl!" dengn (nua zwengan Dringgöd zum Beispü).

==Beleg==
<references />

==Literatua==
* Peter Wehle, ''Sprechen Sie Wienerisch?'' Ueberreuter, ISBN 3800031655

{{Navi Boarischa Brauch}}

[[Kategorie:Bairische Sprache]]
[[Kategorie:Sprache (Österreich)‎]]
[[Kategorie:Wienerische Kultur]]
[[Kategorie:Humor]]
[[Kategorie:Artikel auf Wienerisch]]