Kasan
| Der Artikl is im Dialekt Soizburgarisch gschriem worn. |
|
Dea Artike do beschreibt an Stodtei vo Soizburg. Da Sidtiroia Ort wead unta „Kasern“ beschriem. |
Kasan_COA.svg) (Soizburg-Stod) | |
 | |
|---|---|
| Stodtei vo da Stod: | Soizburg |
| Autokeennzoachn: | S |
| Postleitzoi: | 5020 |
| Vuawoi: | 0662 |
| Adress vom Magistrat: | Mirabellplatz 4 5020 Salzburg |
| Hoamseitn: | www.stadt-salzburg.at |
| E-Meil-Adress: | [meilto:post@stadt-salzburg.at post@stadt-salzburg.at] |
| Buagamasta: | Schaden Heinz (SPÖ) |
Kasan (amtlich: Kasern) is a Stodtei vo Soizburg und liegt am rechtn Soizachufa im eissastn Noadn vo da Stod, wobei do d' Stodgreenz zwischn d' Gmoan Berghoam und Hoiwong fingaförmig noch Noadn aussegreift. D' Grenz geng Izling hi büidt d' Westautoboh. Kasan sezt se aussahoib vo da Stod in da Leengföidsiadlung vo da Gmooa Berghoam notlos furt.
Heid'z'dog is Kasan a aufstremds und dicht bebauts Gewerbezentrum, in dem a da groose Gewerbebetrieb Poifinga (Palfinger) soei Niadalossung hod. D' nohe Auffoart zur Autoboh üwa 'n Autobohknotn Soizburg-Nord sorgt fir a guade Vakearsobindung. Historisch hod a d' noheglengne Bohlinie vo da Westboh 'n Aufschwung mosgeblich gfördat.
Gschicht
[Werkeln | Am Gwëntext werkeln]Da Nom Kasan loatt se vom indogermanischn Stomm ob, wöicha a im lateinischn casa (Haus) dahoidn hod.
Bis ins sade 19. Joarhundat san imheitingStodtei nur a poar vastrade Bauanheisa am Hongfuas vom Pleinberg, vuaoim as Stroweguat (Strobelgut) und as Reitguatal (Reitgütl). Am Weg noch Elixhausn is am Rond vo am groosn Woid as Jagaguatal (Jägergütl), da heidige Jagawirt (Jägerwirt), gleng. ImheitingSiadlungszentrum vo Kasan hom se am Rond vom Moar d' beidn „Kasangüta“ und as kloane Webaheisl (Weberhäusel) befundn. Östlich davo hod se a groosa Woid, as sognonnte „Kasanhoiz“ ogschlossn. Owahoib vo Kasan - auf an Ausleifa vom Pleinberg - is d' oide Burg Radegg (Radeck) gleng, vo dera heid nur no d' Kapöin und a Portal mid 'm Wobbm vo d' Grofm vo Keenigsegg (Grafen von Königsegg) aus 'm Joar 1690 dahoidn bliem is. D' Burg is ursprünglich im Eigndum vo Soizburga Ministeriale, vo d' Herrn vo Radegg und is as easchte Moi im friaran 13. Joarhundat dawänt worn. 1273 is d' Burg in s Eigndum vom Erzbischof üwa gonga und is danoch longe Zeid da Siz vo am Pfleggricht gwesn. 1525 is d' Burg im Zug vo d' Bauankriag niadabronnt worn und boid danoch wiedaufbaut worn. Noch 1808 is d' Burg oimälich vafoin.
Kasan is ois Stodtei im 20. Joarhundat entstondn. ois easchta Gewerbebetrieb hod se 1919 d' Gloggngiassarei Owascha (Oberascher) ogsiadlt, de davur neman Bruadahof beim Kapuzinaberg in da Linzagossn gwesn is und vo durt weeng da mid 'm Betrieb vabundanen Brondgfoar wegg hod miassn. Zur eignen Sichaheit hod da Betrieb in Kasan an groosn Feialöschteich, wöicha ois Tümpe heid no dahoidn is, oglegt.
1939 is Kasan midsomt 'm gsomtm Pleinberg in d' Stod Soizburg oeigmoaet worn. 1950 is da Pleinberg owa wieda da Gmooa Berghoam üwagem worn. Dodafir is as Areal vom Soizburga Schlochthof zur Stodgmooa kema. Kasan is - entgeng am ursprünglichm Konzept - a noch 1950 bei da Stod Soizburg bliem - weil d' Siadlung mid ira Gloggngiassarei und d' durt beschäftigtn vüin orweita an dozmois rein dörflichn Karakta vo Berghoam beoeiträchtigt hätt.
Naturraum
[Werkeln | Am Gwëntext werkeln]Heid san d' Moare, wöiche an Toibodn vom Raum Kasan bedeggt hom, vaschwundn. Beim Bau vo da Westautoboh is ma auf fossile Torfschichtn gstoosn, wöiche auf d' Gress vo da einsting Moarlondschoft schliassn losst. s groose Kasanmoos mid soeim südlichn Ausleifa, 'm Longenmoos und 'm Radeggamoos, wöiche dozmois d' Londschoft prägt hom, san entwässat und zum grestnteil bebaut worn. Da dahoidane Greoaraum is nur mear kloareimig und wead teilweis ois Kämpingbloz und oana Kloagortnolog gnuzt. Da kloane Moarrest (as Moarwoidal und d' Woidkubbm) hom in Foige vo da imma weida furtschreitendn Isoliarung und Entwertung durch s umgembde Gebiet ois Gschüzta Londschoftsteil aufglossn wern miassn.
Bemerknswert san heid da dahoidane Tümpe in Kasan und soei umgemde ortnreiche Streiwiesn, sowia de Lindnalle, de heid Wiggnburgallee (Wickenburgallee) gnonnt wead. Da Tümpe und d' Wiggnburgallee stengan heid ois Gschüzte Londschoftsteile unta Naturschuz.
Persenlichkeitn
[Werkeln | Am Gwëntext werkeln]- Wiggnburg Erik (Wickenburg Erik) östareichischa Journalist und Schriftstella; (1903-1998) imheiting Kasan geborn
|
Stodtei: Aing ∙ Oidstod ∙ Elisabeth-Vurstod ∙ Gneiss ∙ Gneiss Sid∙ Gnigé ∙ Izling ∙ Izling Nord ∙ Kasern ∙ Långwid ∙ Leen ∙ Leópóidskrón-Móos ∙ Liafaring ∙ Maxglåh ∙ Maxglåh West ∙ Morzg ∙ Mün ∙ Neistod (Andrävial) ∙ Nónntoi ∙ Barsch ∙ Rianburg ∙ Soizburg-Sid ∙ Schoimóos ∙ Doxhåm
|