Polokwane
| Der Artikl is im Dialekt Obaboarisch gschriem worn. |
| Polokwane | |||
|---|---|---|---|
| |||
| Koordinaten | 23° 54′ S, 29° 27′ O | ||
| Datei:Koartn | |||
| Basisdatn | |||
| Stoot | Südafrika | ||
| [[|]] | |||
| Distrikt | Capricorn | ||
| Gmoa | Polokwane | ||
| Häh | 1312 m | ||
| Eihwohna | 140.154 (2010) | ||
| Gründung | 1886 | ||
| Website | www.polokwane.org.za (englisch) | ||
| Omeakung | |||
 | |||
De Stod Polokwane (bis 2005 Pietersburg) liegt in da Gmoa Polokwane, Distrikt Capricorn, Provinz Limpopo in Sidafrika. Dees is de Haptstod vo da Provinz Limpopo.[1]
Gschicht
[Werkeln | Am Gwëntext werkeln]De Stod wo 1312 Meta iwan Mearesspiagl liegt, is 1886 vn Voortrekkern grindd vorn und nochm General Petrus Jacobus Piet Joubert Pietersburg gnennt worn. Wearend am Zwoatn Burenkriag wor de Stod de Haptstod vo da Burenrepublik Transvaal. 1901 is de Stod vo de Britn eaobat worn.
De sidafrikanische Regiarung hod 2002 a landesweite Umbenennung von Steddn gstartet, vo dena de Nama on de Apartheid eainnat ham. So is 2005 aa de Stod Pietersburg in Polokwane umgnennt worn.[2] Polokwane is dees Sepedi-Wort fia „a sichara Ort“.[3]
1984 ham 79.000 Menschn (davo 14.000 Weisse) in da Stod glebt. Z Polokwane lebm heit 140.154 Eihwohna (Stand: 2010; Hochrechnung).[4] Nebm am Bohhof und am Flughofn gibst in da Umgebung a Diamantnmine und do wead bsondas reina Quarzsand obbaut. Zoireiche Industriebetriebe ham si ogsiedlt.
Klima
[Werkeln | Am Gwëntext werkeln]Polokwane hod zweng seina Hehnlog a gmeesigts Klima mit mittlan Dogeshextweatn vo 25 °C bis 26 °C und mittlan Diafsttemperatuan um 15 °C in de Summamonat vo Novemba bis Feba. In de Wintamonat Juni und Juli foin de mittan Diafsttemperaturen bis af 5 °C, de Dogeshextweate eareichn im Monatsmittl eppa 18 °C bis 19 °C. Niadaschleg foin vor oim im Summa (um 90 mm pro Monat), de Wintamonat san eha drockn.[5]
Tourismus
[Werkeln | Am Gwëntext werkeln]Da Natuapark Polokwane Nature Reserve is a Attraktion fia Touristn. Do san vor oim vui Vogloartn dahoam. Vo bsondam Interesse is aa dees Bakone Malapa Open-Air Museum, dees wo Gschicht und Kuitua vom Sotho-Voik presentiat.
Polokwane wor Austrogungsort vn Spuin vo da Fuassboi-Wäidmoastaschoft 2010. Via Gruppmspui ham im Peter-Mokaba-Stadion stottgfundn.
Berihmdheitn
[Werkeln | Am Gwëntext werkeln]- Retief Goosen, Profigoifa
- Victor Matfield, Rugbyspuija
- John Smit, Rugbyspuija (Nationalmoschoft)
Literatua
[Werkeln | Am Gwëntext werkeln]- Der große Coron von 1992, Band 14
Im Netz
[Werkeln | Am Gwëntext werkeln]- Hoamseitn vo da Stod (englisch)
- Polokwane Info
Beleg
[Werkeln | Am Gwëntext werkeln]- ↑ Gemeindegrenzen Südafrika Gemeindegrenzen Südafrika (Memento des Originals [1] vom 26. Aprü 2009 im Internet Archive)
Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.
- ↑ Old PlaceNames (englisch) Department of Arts and Culture. Archiviert vom Original [2] am 6. Feba 2010. Abgerufen am 10. Aprü 2010.
- ↑ Namensbedeutung Gemeinden
- ↑ World Gazetteer: Republik Südafrika – die wichtigsten Städte. World Gazetteer. Archiviert vom Original [3] am 18. Juli 2011. Abgerufen am 6. Aprü 2010.
- ↑ Klimatabelle für Polokwane, Südafrika. Archiviert vom Original [4] am 23. Aprü 2010; abgerufen am 7. Juni 2010.