Hiwas

Hiwas
Bistadong mga simbolo	A
Yunit na SI	Kwadradong metro [m2]
Sa basehang yunit nin SI	1 m2
Dimensyon	${\mathsf {L}}^{2}$

An kabilugang hiwas kan tolong korteng ini iyo harus 15.57 na mga kwadrado.

An hiwas (Ingles: area) iyo sarong kantidad na minapahiling sa naaabot kan duwang-dimensyonal na rehiyon, korte, o planar lamina, sa kapatagan. An panluwas na hiwas (surface area) iyo analogo sa duwang-dimensyonal na panluwas kan sarong tolong-dimensyonal na bagay. An hiwas pwedeng maintindahan na bilang kan materyal na may bistong hibog na kinakaipohan sa pagpapahiling sa modelo kan korte, o an bilang nin pinta na kinakaipohan sa pagtaklob kan sarong patag. Ini an duwang-dimensyonal na analogo kan laba nin sarong kurbada (saro na sarong-dimensyonal na konsepto) o an bolyum kan sarong solido (saro na tolong-dimensyonal na konsepto).

An hiwas kan sarong korte pwedeng masukol sa pagkumpara sa korte kan mga bistong kwadrado. Sa Internasyunal na Sistema nin mga Yunit (SI), an istandardong yunit nin hiwas iyo an kwadrado metro (pigsusurat bilang m²), na iyo an hiwas kan sarong kwadrado na an mga gilid iyo sarong metrong laba. An korte na may hiwas na tolong kwadradong metro iyo may kaparehas na hiwas sa tolo na nasambit na mga kwadrado. Sa matematika, an yunit-kwadrado iyo may kahulugan na may hiwas na saro, asin an hiwas kan iba pang nagkapirang mga korte o panluwas iyo sarong daeng-dimensyon na tunay na bilang.