Ambos Camarines

Naka-redirekta digdi an "Camarines". Para sa mga ngunyan na provincia, hilingon an Camarines Norte asin Camarines Sur.

Ambos Camarines
Kadtong probinsiya kan Hispanikong Filipinas
← 1579–1829 1854–1857 1893–1917 →   →
Kinamumugtakan kan Camarines Kinamumugtakan kan maka-usipong Ambos Camarines asin mga probinsiya nin Camarines.
Kapitolyo		Nueva Caceres
Panhistoriyang panahon		Panahon kan Espanyol
•	Pigtugdas	1579
•	Enot na pagsasararo	1854–1857
•	Pangaduwang pagsasararo	1893–1917
•	Pigbawi an Pagkakatugdas	1917
Parte ngunyan kan		Camarines Norte, Camarines Sur asin pirang parte kan Albay

An Ambos Camarines (Espanyol ambos, anas) dating probinsya kan an Filipinas sakop pa kan mga Espanyol asin sagkod kan taon 1919 kan an Filipinas kolonya na kan Estados Unidos. Namumugtak ini sa puro kan Rawis kan Bikol sa norte. Nababangâ na ini ngunyan sa duwang probinsya: Camarines Norte asin Camarines Sur.

Uusipon

An Mapa kan Ambos Camarines kan taon 1921.

Kan panahon nin Kastila, an terminong Ambos Camarines pigtutumoy an sinarô na Camarines Sur asin Camarines Norte. An kamugtakan na ini angay sana kan taon 1854 hanggan 1857. Alagad, poon na man 1857 abot 1893, binangâ giraray ini sa Camarines Norte asin Camarines Sur. Kan taon 1893, pinagsarô giraray an duwa, asin an estadong ini naghanggan taon 1919. Katapostaposi, kan Marso 3, 1919 pinagmarhay na isuway na nanggad an Camarines Norte sa Camarines Sur sa rìgon kan Ley Nu. 2809 na ipinagboot kan Lehislatura kan Filipinas.

Kan inot an Ragay, Lupi asin Sipocot kabtang probinsyang Camarines Norte, alagad kan 1936 an nasambit na mga banwaan piglito sa Camarines Sur karibay an Siruma. Alagad nganì, an Siruma ibinalik man giraray sa Sur. Hanggan ngunyan, iyo ini an kamugtakan kan duwang probinsya.

Banga Politikal

Binabanga an probinsya nin 40 na banwaan dangan an kapitolyo kaini iyo an Naga:

Baao Basud Bato Buhi Bula Cabusao Calabanga

Camaligan Canaman Capalonga Caramoan Daet Gainza Goa

Indan Iriga Labo Lagonoy Libmanan Lupi Magarao

Mambulao Milaor Minalabac Nabua Naga Pamplona Paracale

Pasacao Pili Ragay Sagnay San Fernando San Jose

San Vicente Sipocot Siruma Talisay Tigaon Tinambac

Mga panluwas na takod

• Hayokong na istorya kan Camarines Norte Archived 2009-02-20 at the Wayback Machine.

Ginunuan

• Ibalong. Merito B. Espinas. UST Publishing House. 1996. p. 80. Igdi sabi ni Espinas petsa Marso 19, 1919 kan binanga' an Ambos Camarines sa Sur asin Norte. Dagdag pa niya, napangyari ini sa pwersa kan Ley Republika Nu. 2711.