Carlo Buti
![](https://upload.wikimedia.org/wikipedia/commons/thumb/e/e3/Carlo_Buti%2C_foto_della_tomba.jpg/220px-Carlo_Buti%2C_foto_della_tomba.jpg)
Si Carlo Buti (14 Nobyembre 1902 – 16 Nobyembre 1963) sarong Italyanong parakanta asin interpreter nin mga popular asin mga musikang folk. Siya nabantog komo "an Bulawan na Tingog nin Italya", asin siya posible an pinakaenot na superstar nin Italya nong musika ngonyan na ika-20ng siglo. Nakarekord siya nin 1,574 na mga kanta durante kan saiyang karera.[1]
Biograpiya
[baguhon | baguhon an source]Si Buti namundag sa Florence, Italya. Kan aki pa siya, saiyang nanu'dan an teknik nin pagkanta nin mga Tuscan folk song na bisto bilang stornello. Dangan kaidto siya binabayaran kan mga kalalakihan na magharana sa saindang mga kailusyon. Siya nakakua man nin limitadong pag'ensayo sa pagkanta ki Raoul Frazzi. Natampok naman siya sa radyo Italyano. An enot niyang kontrata sa rekording (1930) iyo an sa Edison-Bell Records. Kan 1934 nagpirma siya sa kontrata sa Columbia Records.
Si Buti nabansagan na Bing Crosby asin "Frank Sinatra nin Italya, huli sa saiyang pinipiling mga popular na mga kanta kan panahon na idto asin bakong idtong mga pan-operang mga kanta. Siya nagretiro kan 1956 pakatipon nin rekording na uminabot sa 1,574 na kanta.[2] Kan panahon na idto, an saiyang boses iyo an pinakanarekord na tingog sa historya nin musikang Italyano. An saiyang napapalaen na maimbong asin melodikong "tenorino" na istilo na halangkaw na garo na falsetto na dinadara niya sa "mezza voce" iyo an nagtao saiya nin internasyonal na eksito.[3] Siya nagbida man sa magkapirang pelikulang Italyano. Nagadan siya sa edad na 61 sa saiyang harong sa Montelupo Fiorentino, sa Tuscany, Italya.[4]
Saro sa kanta niya, an "Vivere" nagluwas sa score kan 2000 na pelikulang "Titus" na ki Elliot Goldenthal.
Magkapira kan mga minasunod na mga memorableng mga kanta niya:[5]
- "Faccetta Nera"
- "La Paloma" ISWC: T-800.326.614-7
- "Amapola"
- "Tornerai"
- La piccinina (Ferry Boat Serenade) ISWC: T-005.008.751-8
- "Dove Sta Zazà"
- "Amore Amore"
- "Il Primo Amore non si Scorda mai"
- "Fiorin Fiorello l'amore è bello"
- "Signorinella Pallida"
Mga piling filmograpiya
[baguhon | baguhon an source]- Naples in Green and Blue (1935)
- For Men Only (1938)
Toltolan
[baguhon | baguhon an source]- ↑ http://www.timaclub.it/CBFP.htm Archived 2016-03-03 at the Wayback Machine. Review of book Una Vita per la Canzone: Carol Buti (in Italian)
- ↑ http://www.timaclub.it/CBFP.htm Archived 2016-03-03 at the Wayback Machine. (in Italian)
- ↑ An kabantogan niya sa Italya, naglakop sa Estados Unidos, hanggan nakaabot sa kahiwasan kan Sud Amerika (per Una Vita per la Canzone)
- ↑ http://www.italianlosangeles.org/index.php?36&150&203 Traditional Music, Opera, Composers
- ↑ Una Vita per la Canzone