Pirilawan
![](https://upload.wikimedia.org/wikipedia/commons/thumb/d/db/Nagpipirilawan.jpg/200px-Nagpipirilawan.jpg)
![](https://upload.wikimedia.org/wikipedia/commons/thumb/6/67/Nagpipilawan_mga_aking_babae.jpg/200px-Nagpipilawan_mga_aking_babae.jpg)
An pirilawan (gikan sa katagang, "pilaw") sarong antigong kawat sa Filipinas, orog na sa rehiyon Bikol, kun saen an magkalaban nagpapatagalan na dai magkimat orawang sinda magkaatubang, nagtuturuhokan. Sa kawat na ini, an enot na magkimat o nagrayo kan saiyang paghiling iyo an daog. Ini kumbaga garo patagasan nin boot na dai magsuko asin dai magkimat na enot. Nakatala an kawat na ini sa Vocabulario de la lengua bicol kan mga taon 1600.[1] Sa kawat kan mga aki, maribok ini ta dakul an naggagala' nganing maribaraw an naglalaban na duwa asin mawara an konsentrasyon.
An siring na kawat sa Ingles, sinasabing patiribayan sa pagruntohok o sarong staring contest.[2]
Sa modernong pagtataram, an "pilaw" nagagamit sa kamugtakan kun saen an sarong tawo nadadaog na sa husay, sa kabantogan, o nalalangtoban kan saro sa pagkaprominente, o mas natata'wan reparo huli ta mas marhay an ipinahiling na gibo. ex: "Napilawan na logod si Jose ni Mamerto ta mas mayaman ini saka mas alistong gumasto". An gamit na siring garo mansana "paghunat" kan enot na sentido sa karawat.
Popular na kultura
[baguhon | baguhon an source]Sa komersyal sa telebisyon kan produktong Fita, ginamit an pirilawan nin mga empleyado tanganing magin maugma an pagkakan kan paborito nindang singa-singaon. Maninibago an sarong empleyado sa katuninongan sa saindang opisina alagad madidiskobre niya na nagkakarawat sana palan an mga ini.
Toltolan
[baguhon | baguhon an source]- ↑ pilao, Vocabulario de la lengua bicol p. 284. Kinua 14-6-16
- ↑ https://en.wikipedia.org/wiki/Staring#Staring_contests Kinua 30-6-16
Hilingon man
[baguhon | baguhon an source]