Прэзідэнт
Прэзідэнт — выбарная пасада кіраўніка дзяржавы або тэрытарыяльна-адміністрацыйнага ўтварэння ці старшыні калегіяльнага органа, грамадскага аб'яднання або камерцыйнай арганізацыі, а ў некаторых краінах (напрыклад, у ЗША) — таксама пажыццёвы тытул асобы, якая займала такую пасаду ў мінулым. У дзяржавах з прэзідэнцкай формай кіравання прэзідэнт з'яўляецца кіраўніком выканаўчай улады, з парламенцкай — толькі кіраўніком дзяржавы. У наш час прэзідэнтамі афіцыйна мянуюць сябе таксама некаторыя дыктатары.
Выканаўчая ўлада |
---|
Партал:Палітыка · правіць |
![](https://upload.wikimedia.org/wikipedia/commons/thumb/b/b6/Gilbert_Stuart_Williamstown_Portrait_of_George_Washington.jpg/95px-Gilbert_Stuart_Williamstown_Portrait_of_George_Washington.jpg)
Паводле этымалогіі прэзідэнт — значыць «старшыня» (ад лац.: prae (перад) + sedere (сядзець)). Сучасныя паняцці «прэзідэнт таварыства», «прэзідэнт фірмы» і т. п. узыходзяць менавіта да гэтага значэння. Упершыню званне «прэзідэнт» стала выкарыстоўвацца як тытул кіраўніка нацыі падчас войн за незалежнасць амерыканскіх калоній, прычым Джордж Вашынгтон, які насіў яго, першапачаткова быў «прэзідэнтам Кантынентальнага кангрэса», гэта значыць старшынёй з'езду прадстаўнікоў паўстаўшых супраць брытанскай кароны штатаў. Толькі падчас распрацовак канстытуцыі 1787 гады тытул «прэзідэнт» быў аддзелены ад узначаленага ім органа (Кангрэса) і прымеркаваны да дзяржаве у цэлым.