Лака (бог)
| Лака | |
|---|---|
| Бог урадлівасці | |
| Міфалогія | Гавайская |
| Бацька | Ваіелоа |
| Маці | Хіна-Хавае |
| У іншых культурах | Рата, Лата, Ата, Ласа |
Лака (гавай. Laka) - у міфалогіі гавайцаў бог урадлівасці, пачынальнік і заступнік хулы. У іншых палінезійскіх народаў вядомы пад імёнамі Рата (Rata), Лата (Lata), Ата (Ata), Ласа (Lasa).
Паводле легенд, Лака паходзіў з Таіці, адкуль рушыў на Гавайскія астравы, каб адпомсціць за смерць бацькі. У дарозе яго лодку перакулілі багі лёсу. Дзякуючы ахвярапрынашэнню ён атрымаў падтрымку ад вялікіх багоў і праз розныя прыгоды дасягнуў сваёй мэты.
Ад Лакі вялі свой род манархі Таіці і Гавайскіх астравоў.
Часам Лака выступае ў гавайскіх легендах як жаночае бажаство-ахоўніца лесу і сястра Пеле.