Бруну Алвіш

Бруну Алвіш
Агульная інфармацыя
Поўнае імя	Бруну Эдуарду Рэгуфі Алвіш
Нарадзіўся	27 лістапада 1981(1981-11-27) (42 гады) Повуа-ды-Варзін[d], акруга Порту[d], Партугалія
Грамадзянства	Партугалія
Рост	189 см
Вага	81 кг
Пазіцыя	абаронца
Інфармацыя пра клуб
Клуб	Апалон Смірніс
Маладзёжныя клубы
1992—1998 Варзім 1998—1999 Порту
Клубная кар’ера
1999—2010 Порту 119 (14) 1999—2001 →  Порту B 53 (8) 2002—2003 →  Фарэнсі 46 (3) 2003—2004 →  Віторыя 25 (1) 2004—2005 →  АЕК 27 (0) 2010—2013 Зеніт (СПб) 72 (1) 2013—2016 Фенербахчэ 75 (3) 2016—2017 Кальяры 36 (1) 2017—2018 Рэйнджэрс 20 (1) 2018—2021 Парма 85 (5) 2021— Апалон Смірніс
Нацыянальная зборная
2001—2002 Партугалія (да 20) 10 (1) 2002—2004 Партугалія (да 21) 19 (2) 2004 Партугалія (B) 1 (0) 2004 Партугалія (алімп.) 3 (0) 2007—2018 Партугалія 96 (11)
Узнагароды і медалі
Кубкі канфедэрацый Бронза Расія 2017 Чэмпіянаты Еўропы Бронза Польшча/Украіна 2012 Золата Францыя 2016
Медыяфайлы на Вікісховішчы

Бру́ну Эдуа́рду Рэгу́фі А́лвіш або Бруну Алвеш (парт.: Bruno Eduardo Regufe Alves; нар. 27 лістапада 1981, Повуа-ды-Варзін, Партугалія) — партугальскі футбаліст бразільскага паходжання, абаронца грэчаскага клуба «Апалон Смірніс». Ігрок нацыянальнай зборнай Партугаліі (2007—2018). Алвіш вядомы сваёй трываласцю, жорсткім адборам і здольнасцям гульні ў паветры. Ён правёў большую частку сваёй прафесійнай кар’еры ў «Порту», стаўшы ўладальнікам увогуле 10 тытулаў з клубам.

Клубная кар’ера

«Порту»

Алвіш пачынаў кар’еру ў «Порту», за які выступаў з 2001 па 2010 гады. Аднак 3 сезоны запар ён выступаў на правах арэнды адпаведна за «Фарэнсі», «Віторыю» з Гімарайнша і грэчаскі АЕК, куды яго запрасіў Фернанду Сантуш, добры знаёмы Алвіша. 15 кастрычніка 2005 года ў матчы «Порту» супраць «Бенфікі» ударыў галавой нападніка суперніка Нуну Гоміша.

«Зеніт»

3 жніўня 2010 года «Порту» афіцыйна абвясціў аб тым, што пецярбургскі «Зеніт» узгадніў умовы аб куплі абаронцы за 22 мільёны еўра. 30 верасня 2010 года ў матчы Лігі Еўропы 2010/11 супраць свайго былога клуба АЕК на 13-й хвіліне адкрыў лік сваім галам за «Зеніт».

«Фенербахчэ»

5 чэрвеня 2013 года перайшоў у «Фенербахчэ», падпісаўшы трохгадовы кантракт. З клубам стаў чэмпіёнам і ўладальнікам Суперкубка Турцыі.

Познія гады

6 чэрвеня 2016 года італьянскі «Кальяры» пацвердзіў падпісанне двухгадовага кантракта з Алвішам, які прыйшоў у клуб у якасці свабоднага агента. 31 мая 2017 года было абвешчана аб пераходзе Бруну Алвіша ў шатландскі «Рэйнджэрс». У ліпені 2018 года, разарваўшы кантракт з «Рэйнджэрс», папоўніў склад «Пармы».

У ліпені 2021 года пакінуў «Парму» пасля яе вылету ў Серыю B і далучыўся да партугальскага «Фамалікана», але ўжо праз два тыдні разарваў пагадненна з клубам. У верасні 2021 года стаў іграком грэчаскага клуба «Апалон Смірніс».

Міжнародная кар’ера

Дэбютаваў Бруну Алвіш у зборнай Партугаліі ў чэрвені 2007 года супраць зборнай Кувейта (1:1) пад кіраўніцтвам Луіса Феліпі Скалары.

Дасягненні

Клубныя

«Порту»

• Чэмпіён Партугаліі (4): 2006, 2007, 2008, 2009
• Уладальнік Кубка Партугаліі (3): 2006, 2009, 2010
• Уладальнік Суперкубка Партугаліі (2): 2006, 2009
• Уладальнік Кубка УЕФА: 2011

«Зеніт»

• Чэмпіён Расіі (2): 2010, 2012
• Уладальнік Суперкубка Расіі: 2011

«Фенербахчэ»

• Чэмпіён Турцыі: 2014
• Уладальнік Суперкубка Турцыі: 2014

Міжнародныя

Партугалія

• Чэмпіён Еўропы: 2016

Асабістае жыццё

Бруну з’яўляецца сынам бразільскага футбаліста Вашынгтона, які пераехаў гуляць у Партугалію. Браты Бруну таксама з’яўляюцца футбалістамі. Жонку Алвіша клічуць Хут, пара мае двух дзяцей.

Спасылкі

• На Вікісховішчы ёсць медыяфайлы па тэме Бруну Алвіш