Прагляд зыходнага тэксту старонкі Баварская народная партыя

== Гісторыя ==
Баварская народная партыя была створана на базе баварскага аддзялення каталіцкай [[Партыя Цэнтра (Германія)|Партыі Цэнтра]] [[12 лістапада]] [[1918]] года ў [[Рэгенсбург]]у Георгам Геймам (кіраўнік баварскага каталіцкага сялянскага руху) і Генрыхам Гельдам (лідар фракцыі цэнтрыстаў ў баварскім парламенце). З [[1919]] па 1933 гады Баварская народная партыя была самай уплывовай палітычнай сілай у Баварыі, нязменна ўваходзячы ва ўсе правінцыйныя ўрады. Яе прадстаўнікі тройчы станавіліся прэм’ер-міністрамі Баварыі:

* Гуга фон Лергенфельд-Кёферынг (21 верасня 1921 — 8 лістапада 1922),
* Ойген фон Кнілінг (8 лістапада 1922 — 1 ліпеня 1924),
* {{Не перакладзена 4|Генрых Гельд|||Heinrich Held}} (2 ліпеня 1924 — 10 сакавіка 1933).

У 1929—1933 старшынёй партыі (але не лідарам) быў Фрыц Шэфер.

У першых у [[Веймарская рэспубліка|веймарскай Германіі]] [[Парламенцкія выбары ў Германіі (1919)|федэральных выбарах]] [[19 студзеня]] [[1919]] года Баварская народная партыя ўдзельнічала разам з Партыяй Цэнтра, сфармаваўшы ў Нацыянальным сходзе адзіную дэпутацкую групу. Пазней адносіны партый пагоршыліся і яны нярэдка канкуравалі адзін з адным на выбарах. Так, на [[Прэзідэнцкія выбары ў Германіі (1925)|прэзідэнцкіх выбарах 1925 года]] ў першым туры абедзве партыі вылучылі сваіх кандыдатаў (кандыдат БНП Г. Гельд набраў 3,75 % галасоў), а ў другім туры Баварская народная партыя ўвайшла ў «Імперскі блок», які падтрымаў [[Паўль фон Гіндэнбург|Паўля фон Гіндэнбурга]], а Партыя Цэнтра стала адным з заснавальнікаў «Народнага блока», які высунуў [[Вільгельм Маркс|Вільгельма Маркса]]. Толькі ў 1927 годзе абедзве каталіцкія партыі зноў пачалі збліжацца.

На федэральных выбарах у перыяд з [[1920]] па [[1932]] гады Баварская народная партыя атрымлівала ад 31,6 да 39,4 % галасоў баварскіх выбаршчыкаў, што забяспечвала партыі ад 3,0 да 4,3 % галасоў ад усіх выбаршчыкаў Германіі. Пасля пачатку [[Вялікая дэпрэсія|Вялікай дэпрэсіі]] і росту папулярнасці [[Нацыянал-сацыялістычная нямецкая рабочая партыя|НСДАП]] на пачатку [[1930-я|1930-х гадоў]] у адрозненне ад іншых буржуазных партый (напрыклад [[Нямецкая нацыянальная народная партыя|Нацыянальнай народнай]], [[Нямецкая народная партыя|Народнай]] і [[Нямецкая дэмакратычная партыя|дэмакратаў]]) Баварская народная змагла пазбегнуць рэзкага падзення папулярнасці, дзякуючы таму, што аснову яе электарату складалі кансерватыўна настроеныя сяляне-каталікі, якія былі менш успрымальныя да нацысцкай прапаганды і адрозніваліся падвышанай лаяльнасцю.

Пасля захопу ўлады нацысцкай партыяй і пачатку палітыкі [[гляйхшальтунг]], захопу кантролю над грамадскімі і палітычнымі працэсамі ў жыцці дзяржавы і грамадства, Баварская народная партыя была распушчаная [[4 ліпеня]] [[1933]] года.