Віктар Амадэй II

Віктар Амадэй II
Vittorio Amedeo II
1-ы Кароль П’емонта і Сардзініі 1720 — 1730
Папярэднік	Новы тытул
Пераемнік	Карл Эмануіл III
Кароль Сіцыліі 1713 — 1720
Папярэднік	Філіп V
Пераемнік	Карл VI
Герцаг Савойскі 1675 — 1720
Папярэднік	Карл-Эмануіл II
Пераемнік	Ён жа сам, як Кароль П’емонта і Сардзініі
Нараджэнне	14 мая 1666(1666-05-14)[…] Турын, Савойскае герцагства[d]
Смерць	31 кастрычніка 1732(1732-10-31)[…] (66 гадоў) Манкальеры[d], правінцыя Турын, П’емонт, Італія або Рывалі, правінцыя Турын, П’емонт, Італія
Месца пахавання	Суперга
Род	Савойскі дом
Бацька	Карл Эмануіл II[d]
Маці	Marie Jeanne of Savoy[d]
Жонка	Anne Marie d'Orléans[d] і Anna Canalis di Cumiana[d]
Дзеці	Марыя Адэлаіда Савойская[d], Марыя Луіза Савойская, Maria Vittoria of Savoy[d], Victor Amadeus, Prince of Piedmont[d], Карл Эмануіл III, Vittorio Francesco, Marquis of Susa[d], Maria Anna di Savoia, Principessa di Savoia[d] і Emanuele Filiberto di Savoia, Duc de Chablais[d]
Веравызнанне	каталіцтва
Дзейнасць	палітыка, кіраванне і ваенная справа
Аўтограф
Званне	генералісімус
Узнагароды	Grand Master of the Order of the Most Holy Annunciation[d]
Сайт	savoia.blastness.com/umb…
Медыяфайлы на Вікісховішчы

Віктар Амадэй II (італ.: Vittorio Amedeo II; 14 мая 1666 — 31 кастрычніка 1732) — герцаг Савойскі ў 1675—1730 гадах, кароль Сіцыліі ў 1713—1720 гадах, кароль Сардзінскага каралеўства ў 1720—1730 гадах. Сын Карла Эмануіла II.

Шлюб з Ганнай Марыяй Арлеанскай, пляменніцай Людовіка XIV уцягнуў яго ў залежнасць ад Францыі. У 1690 годзе далучыўся да антыфранцузскай Аўгсбургскай лізе; у 1696 годзе, не дамогшыся ад Іспаніі перадачы яму, як саюзніку, Ламбардыі, заключыў з Францыяй мірны дагавор у Турыне (пацверджаны Рысвікскім дагаворам 1697).

У вайне за іспанскую спадчыну спачатку выступаў саюзнікам Францыі і выдаў сваю дачку за французскага прэтэндэнта на іспанскі трон Філіпа V, але ў 1703 годзе перайшоў у лагер праціўнікаў Францыі, якая не згаджалася на перадачу яму Ламбардыі.

Паводле Утрэхцкага мірнага дагавора (1713) атрымаў востраў Сіцылію, Ніцу і тытул караля.

Па выніках Вайны чацвярнога саюза быў вымушаны саступіць Сіцылію Аўстрыі, атрымаўшы наўзамен востраў Сардзінію, і ўтварыў разам з П’емонтам, Ніцай і Савояй новае Сардзінскае каралеўства.

Ва ўнутранай палітыцы праводзіў курс асветнага абсалютызму. У 1730 годзе адрокся ад прастола на карысць сына Карла Эмануіла III. У 1731 годзе здзейсніў беспаспяховую спробу вярнуць сабе ўладу. Быў схоплены сынам і памёр у няволі.

Заснавальнік Турынскага ўніверсітэта.

Сям’я і дзеці

У Шамберы, 6 мая 1684, Віктар Амадэй II ажаніўся з Ганнай Марыяй Арлеанскай, дачкой Філіпа Арлеанскага і Генрыэты Сцюарт. Дзеці:

• Марыя Адэлаіда Савойская (1685—1712), у шлюбе з Людовікам, герцагам Бургундскім
• Марыя Луіза Савойская (1688—1714), у шлюбе з каралём Іспаніі Філіпам V
• Віктар Амадэй (1699—1715), князь П’емонта
• Карл Эмануіл III (1701—1773), кароль Сардзініі, герцаг Савойскі і князь П’емонта.

Ужо быўшы ўдаўцом, ён жэніцца марганатычна, 2 жніўня 1730 года ў Турыне на Ганне Каналіс дзі Куміяна (1679—1769), пасля маркізе Спінья. Дзяцей у іх не было.

Таксама на працягу больш чым дзесяці гадоў у Віктара Амедэя была сувязь з маладой Жаннай Жэнеўевай (1670—1736) дачкой Луі Шарля д’Альбер герцага дэ Люін, унучкай знакамітай герцагіні дэ Шэўрэз. Два дзіцяці былі ўзаконены і тытулаваны 14 мая 1701:

• Віктар Франсуа (1694—1762), маркіз дэ Сюз.
• Марыя-Ганна-Францыска-Вікторыя (1690—1766), мадэмуазель дэ Сюз, у 1714 ажанілася з Віктарам Амадэем Савойскім (1690—1741), з’яўлялася бабуляй прынцэсы дэ Ламбаль.

Спасылкі

• Виктор Амедей II // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.