Катастрофа Мі-24 пад Пружанамі
| Катастрофа Мі-24 пад Пружанамі | |
|---|---|
 | |
| Агульныя звесткі | |
| Дата | 29 лістапада 2011 году |
| Час | 19:45 |
| Характар | падзенне на зямлю |
| Месца | каля аэрадрому Засімавічы |
| Мадэль | Мі-24 |
| Авіякампанія | 181-я баявая верталётная база |
| Пункт вылету | Засімавіцкі аэрадром |
Катастро́фа Мі-24 пад Пружа́намі — авіяцыйная катастрофа, якая адбылася 29 лістапада 2011 года ў раёне вёскі Новыя Засімавічы (Пружанскі раён).
Ход падзеяў
[правіць | правіць зыходнік]Катастрофа адбылася падчас планавага навучальна-трэніравальнага палёту верталёта 181-й баявой верталётнай базы Узброеных сілаў Беларусі[1]. Верталёт ударыўся аб зямлю пры заходзе на пасадку прыкладна за паўтара кіламетры ад аэрадрома[2]. У найноўшай гісторыі Беларусі гэта першае здарэнне з «Мі-24», якое прывяло да чалавечых ахвяраў[3].
Расследаванне
[правіць | правіць зыходнік]Расследаванне праводзіла камісія Міністэрства абароны Рэспублікі Беларусь[1]. Сярод магчымых прычынаў Генеральны штаб Узброеных Сіл Рэспублікі Беларусь назваў кепскі тэхнічны стан верталёта ці чалавечы фактар[4]. Брэсцкая міжгарнізонная ваенная пракуратура ўзбудзіла справу на падставе ч. 2 артыкула 465 Крымінальнага кодэкса Рэспублікі Беларусь (парушэнне правілаў палётаў або падрыхтоўкі да іх або іншых правілаў эксплуатацыі ваенных лятальных апаратаў, у выніку чаго мела месца па неасцярожнасці смерць дзвюх і больш асоб)[2].
Да высвятлення абставінаў палёты «Мі-24» былі прыпыненыя паводле загаду міністра абароны Юрыя Жадобіна. 15 студзеня 2012 года палёты былі адноўленыя[5]; на люты 2012 года следства працягвалася[6].
Ахвяры
[правіць | правіць зыходнік]- Алег Кахно, маёр, камандзір экіпажа (38 гадоў)
- Валер Бабко, капітан, бартавы тэхнік (43 гады)
- Дзяніс Глушчанка, лётчык-штурман (32 гады)
У дзень пахавання верталётчыкаў 2 снежня на Пружаншчыне была абвешчаная жалоба[7]. Пасля жалобнай паніхіды ў пружанскім саборы Аляксандра Неўскага і грамадзянскай цырымоніі развітання ў Доме культуры лётчыкі былі пахаваныя на Параслянскіх могілках ля Новых Засімавічаў[8].
Зноскі
- ↑ а б Пресс-служба сообщает Архівавана 23 ліпеня 2012. // Міністэрства абароны Рэспублікі Беларусь, 29 лістапада 2011.
- ↑ а б Пахаванне членаў экіпажа МІ-24 адбудзецца ў пятніцу // Наша Ніва, 1 снежня 2011.
- ↑ Ігар Карней. Тэхнік «МІ-24»: Наша армія можа змагацца з уяўным ворагам, але не з туманам // Радыё «Свабода», 30 лістапада 2011.
- ↑ Генштаб агучыў версію авіякатастрофы пад Пружанамі // Еўрарадыё, 7 снежня 2011.
- ↑ У Беларусі адноўленыя палёты вайсковай авіяцыі // Еўрарадыё, 15 студзеня 2012.
- ↑ В деле о крушении военного вертолета под Пружанами проводится техническая экспертиза // БелТА, 17 лютага 2012.
- ↑ Жалоба па загінулых лётчыках аб’яўлена толькі на Пружаншчыне // Наша Ніва, 2 снежня 2011.
- ↑ Святлана Яскевіч. Апусцела без цябе зямля…(недаступная спасылка) // Звязда, 3 снежня 2011, № 231 (27095), с. 1.
Спасылкі
[правіць | правіць зыходнік]- Пад Пружанамі разьбіўся вайсковы гэлікоптэр // Радыё «Свабода», 29 лістапада 2011.
