Міністэрства сельскай гаспадаркі і харчавання БССР
| Міністэрства сельскай гаспадаркі і харчавання БССР | |
|---|---|
| скарочана — Мінсельгас | |
.svg) | |
 Будынак Міністэрства сельскай гаспадаркі БССР | |
Агульная інфармацыя |
|
| Краіна | |
| Юрысдыкцыя | БССР |
| Дата стварэння | 26 сакавіка 1946 |
| Папярэдняе ведамства | Народны камісарыят земляробства БССР |
| Дата скасавання | жнівень 1991 |
| Кіраўніцтва дзейнасцю ажыццяўляе | Міністэрства сельскай гаспадаркі СССР |
| Вышэйшае ведамства | Савет Міністраў БССР |
| Штаб-кватэра | вул. Кірава, 15, Мінск 220050 |
.svg){kind=small}
Міністэрства сельскай гаспадаркі і харчавання Белару́скай ССР было ўтворана ў 1946 годзе пад назвай Міністэрства земляробства БССР на базе Народнага камісарыята земляробства БССР[1].
Гісторыя
[правіць | правіць зыходнік]У 1947 годзе Міністэрства земляробства, Міністэрства тэхнічных культур і Міністэрства жывёлагадоўлі былі аб'яднаны ў Міністэрства сельскай гаспадаркі БССР[2].
У 1953 годзе Міністэрства сельскай гаспадаркі, Міністэрства саўгасаў, Міністэрства меліярацыі, Міністэрства лясной гаспадаркі, упраўленняе сельскім і калгасным будаўніцтвам пры Савеце Міністраў БССР і ўпраўленне па справах калгасаў пры Савеце Міністраў БССР аб’яднаны ў адно Міністэрства сельскай гаспадаркі і нарыхтовак БССР[3]. З 1954 года міністэрства атрымала новую назву — Міністэрства сельскай гаспадаркі БССР.
У 1965 годзе на базе Міністэрства вытворчасці і нарыхтовак сельгаспрадуктаў БССР і Міністэрства сельскай гаспадаркі БССР створана саюзна-рэспубліканскае Міністэрства сельскай гаспадаркі БССР[4].
У 1985 годзе Міністэрства сельскай гаспадаркі БССР спыніла сваю дзейнасць[5]; на базе Міністэрства сельскай гаспадаркі, Міністэрства пладовагароднінай гаспадаркі, Міністэрства мясной і малочнай прамысловасці, Міністэрства харчовай прамысловасці, Міністэрства сельскага будаўніцтва, Дзяржаўнага камітэта БССР па вытворча-тэхнічным абслугоўванні быў утвораны Дзяржаўны аграпрамысловы камітэт Беларускай ССР[6]. У 1990 г. кіруючым органам сістэмы аграпрамысловага комплексу стаў Дзяржаўны камітэт БССР па сельскай гаспадарцы і харчаванні, які ў 1991 годзе быў пераўтвораны ў Міністэрства сельскай гаспадаркі і харчавання БССР[7], а з жніўня 1991 г. — Міністэрства сельскай гаспадаркі і харчавання Рэспублікі Беларусь.
Структура на 1974 год
[правіць | правіць зыходнік]- Галоўнае ўпраўленне жывёлагадоўлі
- Галоўнае ўпраўленне земляробства
- Галоўнае ўпраўленне механізацыі і электрыфікацыі
- Галоўнае ўпраўленне па племянной справе (Старавіленскі тракт, 91)
- Галоўнае ўпраўленне падрыхтоўкі кадраў
- Галоўнае ўпраўленне сельскагаспадарчай навукі і прапаганды
- Галоўнае ўпраўленне саўгасаў
- Галоўнае ўпраўленне эканомікі і планавання
- Упраўленне ветэрынарыі
- Упраўленне зямельных фондаў і землеўпарадкавання
- Упраўленне прамысловых прадпрыемстваў калгасаў і саўгасаў
- Упраўленне кіруючых кадраў
- Навукова-метадычны аддзел
- Аддзел свінагадоўлі
- Аддзел сельскагаспадарчай навукі і прапаганды
- Рэспубліканскі галаўны інфармацыйна-вылічальны цэнтр (вул. Казінца, 86)
- Рэспубліканская нарматыўна-даследчая станцыя па працы (вул. Казінца, 88)
- Беларускі рэспубліканскі цэнтр навуковай арганізацыі працы ў сельскай гаспадарцы (вул. Казінца, 103)[8].
Міністры
[правіць | правіць зыходнік]- Іван Крупеня (1946 — 1947)
- Павел Нікіцін (1947)
- Самуіл Касцюк (1947 — 1957)
- Міхаіл Луцэнка (1957 — 1961)
- Сцяпан Скарапанаў (1961 — 1972)
- Віктар Казлоў (1972 — 1979)
- Фёдар Сянько (1979 — 1985)
- Юрый Хусаінаў (1986 — 1991)
- Фёдар Мірачыцкі (1991)
Крыніцы
[правіць | правіць зыходнік]- ↑ Пастанова Савета Народных Камісараў БССР № 411 ад 11 сакавіка 1946 года.
- ↑ Указ Прэзідыума Вярхоўнага Савета БССР ад 15 лютага 1947 года.
- ↑ Указ Прэзідыума Вярхоўнага Савета БССР ад 24 красавіка 1953 года.
- ↑ Пастанова ЦК КПБ і СМ БССР № 106 ад 13 сакавіка 1965 года «Аб паляпшэнні працы сельскай гаспадаркі БССР».
- ↑ Указ Президиума Верховного Совета БССР от 6 декабря 1985 года «Об изменениях в системе органов управления агропромышленным комплексом Республики Беларусь»
- ↑ Пастанова ЦК КПБ і Савета Міністраў БССР ад 22 лістапада 1985 года № 357 «Аб мерах па выкананні пастановы ЦК КПСС і Савета Міністраў СССР ад 14 лістапада 1985 года № 1114 «Аб далейшым удасканаленні кіравання аграпрамысловым комплексам».
- ↑ Пастанова Вярхоўнага Савета БССР ад 20 лютага 1991 года «Аб частковай змене структуры Савета Міністраў Беларускай ССР».
- ↑ МИНСК. Краткая адресно-справочная книга (руск.)
Літаратура
[правіць | правіць зыходнік]- Высшие органы государственной власти и центрального управления. Ч. 2. – Мн., 2000. – С.5–11.
