Сцяг Шлезвіг-Гольштэйна
| Сцяг Шлезвіг-Гольштэйна | |
|---|---|
| Германія | |
 «Афіцыйны сцяг» |
|
.svg) |
|
| Зацверджаны | 18 студзеня 1957 |
| Выкарыстанне |
 |
| Прапорцыя | 3:5 |
Сцяг Шлезвіг-Гольштэйна - адзін з афіцыйных сімвалаў зямлі Шлезвіг-Гольштэйн. Уяўляе сабой прамавугольнае палотнішча, якое складаецца з трох гарызантальных роўнавялікіх палос: сіняй, белай і чырвонай. Прапорцыі сцяга могуць быць як 1:2, так і 3:5.
Варыянты сцяга
[правіць | правіць зыходнік]Сцяг існуе ў двух варыянтах: грамадзянскім і дзяржаўным. Грамадзянскі ўяўляе сабой стандартнае сіне-бела-чырвонае палотнішча, якое знешне не адрозніваецца ад панславянскага сцяга. На дзяржаўным сцягу намаляваны герб Шлезвіг-Гольштэйна, і такі сцяг вывешваецца на ўсіх дзяржаўных установах[1].
Гісторыя сцяга
[правіць | правіць зыходнік]Першы падобны сцяг з'явіўся яшчэ ў 1820-х гадах у Кільскім універсітэце, у корпусе Шлезвіг-Гольштэйна (лац.: Slesvico-Holsatia). У 1830-х гадах пад падобнымі сцягамі пачаўся рух за выхад герцагства Шлезвіг-Гольштэйн са складу Даніі. Афіцыйна сцяг адлічвае сваю гісторыю ад 24 ліпеня 1844 года, калі ўпершыню ён быў узняты пад гімн правінцыі. У 1845 годзе пасля дацка-прускай вайны сцяг быў забаронены як сімвал сепаратызму, хоць на хвалі рэвалюцый 1848 года зноў здабыў папулярнасць.
Падчас дацка-прускіх канфліктаў сцяг Шлезвіг-Гольштэйна выкарыстоўваўся прагерманскімі сіламі нароўні з чорна-чырвона-жоўтым нямецкім сцягам. Ён таксама часам вывешваўся на гандлёвых суднах; у тыя ж гады ўпершыню на караблях з'явіўся і сцяг з гербам Шлезвіг-Гольштэйна. У 1864 годзе пасля чарговай вайны Шлезвіг-Гольштэйн увайшоў у склад Германіі, і ў 1867 годзе сцяг быў адноўлены.
Сцяг выкарыстоўваўся ў правінцыі падчас існавання Германскай імперыі, у 1935 годзе падчас станаўлення ўлады НСДАП сіне-бела-чырвоны сцяг быў забаронены, паколькі Гітлер расцаніў яго выкарыстанне як спробу распаліць сепаратызм у краіне[1]. У 1946 годзе Кантрольная камісія па Германіі ў асобе Брытанскага ваеннага кіравання аднавіла ў другі раз сцяг Шлезвіг-Гольштэйна: 29 жніўня 1946 сцяг упершыню пасля вайны быў узняты. 18 студзеня 1957 года сцяг Шлезвіг-Гольштэйна ў трэці раз быў узняты ў якасці афіцыйнага[1].
Падобныя сцягі
[правіць | правіць зыходнік]Апроч панславянскага сцяга і сцяга Югаславіі, на сцяг Шлезвіг-Гольштэйна вельмі падобны Сцяг Мекленбурга-Пярэдняй Памераніі: адрозненнем з'яўляецца прысутнасць залатой гарызантальнай паласы пасярэдзіне. Таксама падобнымі з'яўляюцца сцягі Люксембурга і Нідэрландаў, калі іх адлюстраваць зверху ўніз (адрозненне, аднак, складаецца ў яркасці палос).
Зноскі
- ↑ а б в Flag Legislation (Schleswig-Holstein, Germany)(недаступная спасылка). Flags of the World (18 студзеня 1957). Архівавана з першакрыніцы 17 кастрычніка 2012. Праверана 19 сакавіка 2008.
Літаратура
[правіць | правіць зыходнік]- Schlürmann, Jan: Dreifarb, Löwen, Nesselblatt — Schleswig-Holsteinische Flaggen vom Mittelalter bis in die Gegenwart, in: Schleswig-Holstein 2005, H. 10, S. 1-3.
- Schlürmann, Jan: Zwischen Dreifarb’ und Dannebrog. Hoheitliche und nationale Symbolik als Spiegel schleswig-holsteinischer
- Identitäten vom 19. bis zum 21. Jahrhundert, in: Von Menschen, Ländern, Meeren. Festschrift für Thomas Riis zum 65. Geburtstag, hrsg. von Fouquet/Hansen/Jahnke/Schlürmann, Tönning : Der Andere Verlag, 2006, S. 69-90.
Гл. таксама
[правіць | правіць зыходнік]Спасылкі
[правіць | правіць зыходнік]- Informationen der Landesregierung zu den Symbolen Schleswig-Holsteins Архівавана 18 жніўня 2013.
- Gesellschaft für schleswig-holsteinische Geschichte: Wappen und Flagge Архівавана 16 ліпеня 2007.
| Сцягі зямель Германіі | ||
|---|---|---|
| Гістарычныя сцягі | ||
