Ханнэ Дэсмет
Ханнэ Дэсмет | |
---|---|
Пол | жанчына[2] |
Спецыялізацыя | канькабежны спорт і шорт-трэк[2] |
Нарадзілася |
26 кастрычніка 1996[1][2] (27 гадоў) |
Грамадзянства | |
Альма-матар |
Ханнэ Дэсмет (нідэрл.: Hanne Desmet; нар. 26 кастрычніка 1996, Вілрэйк, Фландрыя) — бельгійская шорт-трэкістка, бронзавы прызёр Алімпійскіх гульняў 2022 года, сярэбраны прызёр чэмпіянату свету 2021 года.
Біяграфія
[правіць | правіць зыходнік]Ханнэ Дэсмет нарадзілася ў Вілрэйку, жыве ў Мехелене і з’яўляецца старэйшай сястрой шорт-трэкіста Стэйна Дэсмета. Свой першы тытул яна заваявала на чэмпіянаце Бельгіі сярод юніёраў у 2009 годзе, выйграўшы першае месца, а на наступны год паўтарыла гэты вынік, стаўшы двухразовай чэмпіёнкай краіны. У агульнай складанасці з 2009 па 2015 год яна пяць разоў выйгравала юніёрскія чэмпіянаты краіны.
У 2016 годзе Дэсмет увайшла ў склад нацыянальнай зборнай і ўдзельнічала як на юніёрскім чэмпіянаце свету, так і на дарослым узроўні на чэмпіянатах свету і Еўропы. У 2018 годзе Дэсмет стала чэмпіёнкай Бельгіі па мнагаборстве, выйграўшы ўсе асобныя дыстанцыі. Падчас чэмпіянату Еўропы ў Дордрэхце яна выйграла суперфінал на 3000 м, але ў агульным заліку засталася на 5-ым месцы, а на чэмпіянаце свету ў Сафіі ў мнагабор’і заняла 10-е месца.
У 2021 годзе з-за траўмы спіны не паспела аднавіцца і на еўрапейскім першынстве ў польскім Гданьску ўзнялася на 19-е месца, следам на чэмпіянаце свету ў Дордрэхце на дыстанцыі 1000 м выйграла сярэбраны медаль і ў абсалютным заліку стала пятай. Дэсмет праходзіць навучанне разам з Сюзанай Схюлтынг, набіраючыся досведу, яе трэніроўкі ўключаюць сілавыя практыкаванні і веласпорт. Яна таксама трэніруецца разам з братам Лукой пад кіраўніцтвам Пітэра Гізеля ў галандскім Херэнвене, рыхтуючыся да Алімпіяды ў Пекіне.
На Алімпійскіх гульнях у Пекіне заваявала бронзавы медаль на дыстанцыі 1000 метраў. Гэта першая ў гісторыі алімпійская ўзнагарода для шорт-трэкістаў Бельгіі.
Зноскі