Bentley State Limousine
Bentley State Limousine — аўтамабіль прадстаўніцкага класа брытанскай аўтамабілебудаўнічай кампаніі Bentley Motors Limited. Афіцыйны транспарт каралевы Вялікабрытаніі Елізаветы II.
Былі выраблены два асобнікі дадзенай мадэлі, якія былі падораны 4 чэрвеня 2002 г. каралеве Вялікабрытаніі Елізавеце II у гонар 50-гадовага юбілею яе ўзыходжання на трон. У распрацоўцы таксама прымалі ўдзел кампаніі Mayflower (кузаў), Leoni Wiring Systems (электроніка), TWR Group і Intier Automotive (інтэр’ер), Ricardo (трансмісія).
Аўтамабіль выкарыстоўваюць на афіцыйных мерапрыемствах. Часам каралева выкарыстоўвала лімузін для паездак у царкву. Паколькі дадзены аўтамабіль з’яўляецца афіцыйным дзяржаўным, то на яго даху прадугледжаны вымпел, які ў залежнасці ад выпадку можа быць розным. Калі каралева знаходзілася на борце, фігурка на капоце (лагатып Bentley — акрылёнае «B») замянялася на асабісты талісман Яе Вялікасці — «Святы Георгій забівае дракона».
![](https://upload.wikimedia.org/wikipedia/commons/thumb/1/1c/2002_Bentley_State_Limousine_ornament.jpg/200px-2002_Bentley_State_Limousine_ornament.jpg)
![]() |
Bentley State Limousine на Вікісховішчы |
---|