Wikipédi:Makalah gacoan

Makalah gacoan entu ada apa-apa makalah nyang mantep punya hasil gawéannya di ni Wikipédi. Sebelonnya ngaciin makalah gacoan baru bakal dimasupin di ni daptar, tu makalah kudu udah dicalonin di ni halaman punya perhadring, kudu banget ditilik ama pemermak pada bener kaga' dia udah nutugin makalah gacoan punya patokan. Wayah gini, udah ada 1 makalah gacoan deri 2.708 makalah nyang ada di ni Wikipédi. Kalu maké tampang kumpiuter, makalah nyang bolé dapet jadi makalah gacoan entar ada nanggrak dia punya tenger bintang () di huk kanan atas. Atu makalah nyang jadi makalah gacoan di laèn-laèn Wikipédi punya basa juga' bakal gableg tenger bintang di sènggètan anterwiki ke entu basa.

Nyang lagi dipampangin

Bir pletok entu ada orang Betawi punya atu minuman nyegerin awak nyang kebikin deri jahé, secang, ama laèn-laèn ragem rempah. Bir pletok punya cara bikin entu bahannya pada disiapin, digodog ampé mantep, terus ditapis. Sebelonnya ditanjain anget atawa dingin, bir pletok juga' bisa dikocok-kocok biar nguarin busa. Awal mulanya ni minuman entu mentak udah deri jaman kumpeni, wayah orang Betawi gedongan mantengin orang Welanda punya kedemenan nenggak bir. Cuman lantaran orang Betawi punya igama Selam entu kaga' boléin minum tèlèr, dikejalah entu bir pletok, nyang dia punya tampang kaya' bir, tapi kaga' ada alkoholnya acan. Kapan orang Betawi punya hajatan bakal pengantèn sunat, kawinan, atawa laèn-laèn keriaan, ni minuman kudu ada, mingkinan mbelèbèr mingkin mantep dah. Wayah gini, ni minuman udah aci jadi Indonésia punya pusaka budaya traujud, juga' jadi atu deri lambang budaya orang Betawi punya. (Lengkepnya...)

Daptar

• Bir pletok