Masin panggagai web
![](https://upload.wikimedia.org/wikipedia/commons/thumb/c/ce/WorldWideWebAroundGoogle.png/350px-WorldWideWebAroundGoogle.png)
Masin panggagai web (basa Inggris: web search engine) adalah parugram kumputar nang dirancang gasan manggawi panggagaian atas barakas-barakas nang tasimpan dalam layanan www, ftp, publikasi milis, atawa jua news group dalam sabuting atawa jua sajumlah kumputar paladin dalam sabuting jaringan. Masin panggagai adalah pakakas panggagai maklumat matan dukumin-dukumin nang tasadia. Kulihan panggagaian rancaknya ditampaiakan dalam bantuk daptar nang rancak diurutakan maumpat hingkat akurasi atawa jua rasio pailang atas sabuting barakas nang disambat sawagai hits. Maklumat nang jadi sasahan panggagaian kawa tadapat dalam bamamacam janis barakas kaya tungkaran web, gambar, atawa jua janis-janis barakas lainnya. Sapalih masin panggagai dikatahui jua manggawi pangumpulan maklumat atas data nang tasimpan dalam sabuting basis data atawa jua direktori web.
Sapalih ganal masin panggagai dijalanakan ulih pausahaan swasta nang mamakai algoritme kaanggitan wan basis data tatutup, di antaranya nang panyuhurnya adalah sapari Google (MSN Search, wan Yahoo!). Sudah ada sapalih upaya manciptaakan masin panggagai lawan sumbar tabuka (open source), umpamanya adalah Htdig, Nutch, Egothor, wan OpenFTS.[1]
Jujuhutan
[babak | babak asal-mulanya]- ^ (Bahasa Inggris)Open Source Search Engines Archived 2023-04-21 at the Wayback Machine