Joseph Martray
Joseph Martray, bet ganet e Lambal e miz Mae 1914, ha marvet e Roazhon d'ar 1añ a viz Mezheven 2009, a oa ur c'helaouenner hag ur stourmer evit Breizh.
| Reizh pe jener | paotr  |
|---|---|
| Bro ar geodedouriezh | Frañs |
| Anv ganedigezh | Joseph Eugène Martray |
| Anv-bihan | Joseph |
| Lesanv | J. Mauguet-Martin |
| Deiziad ganedigezh | 14 Mae 1914 |
| Lec'h ganedigezh | Lambal |
| Deiziad ar marv | 2 Mez 2009 |
| Lec'h ar marv | Roazhon |
| Yezhoù komzet pe skrivet | galleg |
| Micher | kazetenner, ezel eus ar Rezistañs c'hall, gwiraour, stourmer politikel |
| Implijer | Faculté de droit de Nantes |
| Karg | general secretary |
| Bet war ar studi e | Skol-Veur Roazhon, Faculty of Arts of Paris |
| Ezel eus | Défense de la France, Consultative Committee of Brittany, French Institute of the Sea |
| Skrivet en deus evit | La Bretagne |
Buhez
kemmañGanet e oa bet Joseph Martray e Lambal, e miz Mae 1914 en ur familh kenwerzherien.
Goude e studioù skol-veur e Roazhon hag e Pariz e teuas da vezañ kargad e Ministrerezh an diabarzh. E 1940 e oa o labourat e prefeti Sant-Brieg. Kemer a reas perzh er Rezistañs (rouedad Défense de la France). E 1942 e teuas da vezañ pennskridaozer La Dépêche de Brest et de l'Ouest, renet gant Yann Fouéré d'an ampoent. Bet e oa bet eil dileuriad rannvroel evit ar yaouankiz hag ezel eus Komite aliañ Breizh bet krouet e 1942. D'ar 7 a viz Mezheven 1944 e voe roet urzh dezhañ gant e rouedad da guitaat e gargoù ha kemer perzh er stourm kuzh e bro Lambal.
Ur wech echu ar brezel e labouras evit Vent d'Ouest hag e krouas ar gelaouenn Le Peuple Breton a-du gant ar gevredelezh ha rannvroelaat ar Frañs. Ne badas ar gelaouenn nemet un toullad mizvezhioù. Krouiñ a reas an UFCEE (Union fédéraliste des communautés ethniques en Europe). Kentañ sekretour meur an aozadur e voe.
Klask a rae bodañ holl nerzhioù Breizh evit diorren ar vro bepred. E 1950 e krogas avantur Poellgor studiañ ha liammañ interestoù Breizh (CELIB e galleg). Krouet e voe an aozadur d'an 22 a viz Gouhere 1950 gant René Pleven da brezidant ha Joseph Martray da sekretour.
Ezel e voe eus Kuzul armerzhel ha sokial Frañs e 1969 hag adanvet e 1974. Besprezidant Komite ekonomikel rannvro Breizh a voe eus 1974 da 1979 ha prezidant ar bodad-labour a-zivout ar mor eus 1979 da 1983.
Ur wech aet war e leve e tistroas da Vreizh. Bevañ a reas e Naoned betek ar bloavezh 2000 hag e Roazhon da c'houde.
Resevet en deus Kolier an Erminig e 1990.
Meur a levr en deus skrivet.
Medalennoù
kemmañEstreget ezel eus Urzh an Erminig e oa Joseph Martray Ofisour al Légion d'Honneur, Komandour an Ordre National du Mérite, Ofisour ar Mérite Agricole, marc'heg urzh ar Mérite maritime et de l'économie nationale
Oberennoù
kemmañ- Le problème breton et la réforme de la France (1947)
- Euskadi (1948)
- La Région pour un Etat moderne (1970)
- A qui appartient l'Océan ? (1977)
- Vingt ans qui transformèrent la Bretagne (1983)
- La Bretagne dans la révoltion française (1985)
- La destruction de la marine française par la Révolution (1988)
- Nous sommes d'Atlantique (1991)
- L'espoir breton du 21e siècle gant re all (1999)
- La Bretagne au coeur du nouveau monde (2001)
- La Bretagne réunifiée, une véritable région européenne ouverte sur le monde gant Jean Ollivro (2002)
- Le tournant(2003)
Mammennoù
kemmañ- Dictionnaire biographique du mouvement breton XX-XXIe siècles gant Lionel Henry, Yoran Embanner, 2013
- Who's who