paourentez

Brezhoneg

Etimologiezh

Savet diwar an anv-gwan paour hag al lostger -entez.

Anv-kadarn

paourentez /pɔwˈrɛnte(s)/ benel

1. stad an dud paour
   • He zud a veze bepred liv ar baourentez en o c'herc'henn daoust dezho labourat en-dro d'al lin e Milin Rospezh, met bez' e oant gwellañ lonkerien ar barrouz... — (Ernest ar Barzhig, Minna ha danevelloù all..., Mouladurioù Hor Yezh, 1988, p. 49.)
   • Dezhañ pinvidigezh, enorioù
     Din-me paourentez ha dispriz
     Met 'drokfen ket evit teñzorioù
     Va Bro, va Yezh ha va Frankiz ! — (Añjela Duval, Anjela Duval Eil embannadur reizhet, Mignoned Anjela 2005, p. 207.)
2. riv
   • Me am eus paourentez. — (Jules Gros, Le trésor du breton parlé Deuxième Partie, 1970, p. 395.)

Troioù-lavar

• fritañ paourentez  : bevañ er baourentez
  • fritañ paourentez e pillig ar garantez

Krennlavar

• Paourentez n'eo ket pec'hed,
  Gwell evelato tec'het — (G. MILIN, Gwechall-goz e oa..., Kemper, 1924, p. 85.)

Troidigezhioù

• saozneg : 1 poverty ^(en) ; 2 cold ^(en) ;
• galleg : pauvreté ^(fr) , 2 froid ^(fr)
• spagnoleg : pobreza ^(es) , 2 frio ^(es)