Dagmar af Danmark
![](https://upload.wikimedia.org/wikipedia/commons/thumb/2/23/Maria_Feodorovna_by_Kramskoj.jpg/220px-Maria_Feodorovna_by_Kramskoj.jpg)
Marie Sophie Frederikke Dagmar af Danmark, pe Maria Feodorovna Romanova (d'ar 26 a viz Du 1847 - d'an 13 a viz Here 1928), a oa ur briñsez danat, pried an Impalaer Aleksandr III hag Impalaerez Rusia, merc'h da Gristian IX, roue Danmark, ha d'e bried Louise von Hessen-Kassel (1817-1898), c'hoar da Alexandra Danmark, rouanez Breizh-Veur, ha da Vilhelm, roue Gres evel Georg Iañ.
Bugaleaj
[kemmañ | kemmañ ar vammenn]Ganet eo bet Dagmar d'ar 26 a viz Du 1847 er Palez Melen e Kopenhagen, hag e oa an eil verc'h hag ar pevare bugel en he familh. Tri bugel all e oa: Frederik, ganet e 1843 (roue Frederik VIII), Alexandra (rouanez Breizh-Veur Alexandra Danmark) ha Vilhelm, ganet e 1845 (roue Gres Georg Iañ). Goude, etre 1847 ha 1858 e oa ganet daou vugel all - Thyra (priñsez Hannover) ha Valdemar.
He zad Christian a oa mab da Friedrich Wilhelm von Schleswig-Holstein-Sondeburg-Glüksburg ha ne oa ket mab ar roue, met roue Danmark Frederik VII a oa divugel, hag ar priñs a oa dimezet gant nizez ar roue Christian VIII. Bugaleaj Dagmar a oa sioul hag ar briñsez ne oa ket desavet evel merc'h ar roue. Hi hag he c'hoarezed a ouie labourat - kempenn o c'hambreier o-unan, gwriat.
Anavezout a rae Hans Christian Andersen.