Dagobert III
![](https://upload.wikimedia.org/wikipedia/commons/thumb/e/e4/Portrait_Roi_de_france_Dagobert_II_%28i.e_III%29.jpg/220px-Portrait_Roi_de_france_Dagobert_II_%28i.e_III%29.jpg)
Dagobert III (699 - 715) a oa roue ar Franked adalek e 12 vloaz (e 711) betek 715. Mab e oa da Childebert III (pe Childebert IV), eus tiernelezh ar Verovingidi, ha da Edonne.
Roue Aostrazia ha Neustria - a oa unanet abaoe trec'h Pepin Herstal e Tertry e 687 - ha rouantelezh Bourgogn e voe goude marv e dad e 711.
Etre daouarn maer ar palez, Pepin Herstal, edo ar galloud gwir en Aostrazia avat, pa oa re yaouank da ren. E Neustria e oa Grimoald, mab yaouankañ Pepin, an hini a oa maer ar palez. Lazhet e voe Grimoald gant un emsavad frizat.
Goude-se e varvas Pepin. E intañvez Plektrud a gemeras ar galloud neuze, o ren ar rouantelezh war un dro en anv Dagobert hag e hini maer ar palez Tepot, pa oant re yaouank o-daou.
Neuze en em savas Franked Neustria, ha faezhet e voe arme Aostrazia ha Tepot gante. Ur maer ar palez nevez, Ragenfrid, a voe anvet e Neustria. En em glevout a reas gant Radbold, dug Frizia, hag aloubiñ a reas Aostrazia. Mervel a reas Dagobert da 16 vloaz en 715.