Kourzh
![](https://upload.wikimedia.org/wikipedia/commons/thumb/a/ad/Human_vulva_%28cropped%29.jpg/260px-Human_vulva_%28cropped%29.jpg)
Ar c'hourzh, pe heñchoù (eus hent), eo lodenn diavaez reizh ar merc'hed ha parezed bronnek all. Treuzoù ar gouhin eo ar c'hourzh.
N'eus kaoz amañ nemet eus kourzh ar merc'hed, petra bennak ma'z eo heñvel a-walc'h ouzh kourzh ar vronneged all.
Korfadurezh
[kemmañ | kemmañ ar vammenn]Deskrivadur
[kemmañ | kemmañ ar vammenn]
![]() Kourzh ha digor gouhin ur vaouez 1 Beskenn an ellig - 2 Ellig - 3 Muzelloù bihan - 4 Gwask an troazh - 5 Digor ar gouhin - 6 Garbedenn - 7 Fraezh |
Lodennoù ar c'hourzh :
E gouenn an dud e weler meur a lodenn e reizh ar vaouez, eus an nec'h betek an traoñ :
An organoù diavaez-se o deus ivez ur garg er vuhez reizhel ha stag ouzh ar blijadur. Nervennoù e-leizh zo enne, perzh a gemeront en oberenn reizhel pa vezont implijet evel ma tere. |
Diorreadur
[kemmañ | kemmañ ar vammenn]Daou vare a bouez a zo e kresk ar c'hourzh :
- a-hed diorreadur ar grouell ;
- ar gaezouregezh, ma teu blev warnañ, ar pezh a ziskouez ez eo darev ardivink-genel ar vaouez da engehentañ.
Heñvel eo stumm ar c'hourzh ouzh hini ur vi, gant ur faout er c'hreiz, dindan ur voudennig, e-traoñ ar c'hof, e-kreiz ar c'haol.
Ar gaezourenn, anezhi ur voudennig vlot dirak ar c'hourzh, zo graet gant un danvezenn druz a c'holo juntad ar c'haezour ; mons pubis eo an anv latin, ne vern pe da baotr pe da blac'h eo. Gant ar vaouez e teu ar mons pubis da vezañ mons veneris da lavarout eo « Menez Gwener » pe "Menez ar Garantez".
Dont a ra an darn vrasañ eus organoù reizhel ar pared ha parezed eus ar memes danvez eus kresk ar grouell. Heñvel an traoù gant ar c'hourzh.
Liammet eo korfadurezh ar c'hourzh ouzh korfadurezh ardivink-genel ar pared dre ma'z eo rannet etrezo bevoniezh-kreskiñ o gouenn.
Klotañ a ra mezenn an ellig gant mezenn ar c'halc'h, ha korf an ellig ouzh korf keviaouek ar c'halc'h. Ar muzelloù bras ha bihan ha tog an ellig a glot gant ar gousac'h, gant kroc'hen troad ar c'halc'h, gant kaezour ar c'halc'h.
Yec'hedouriezh
[kemmañ | kemmañ ar vammenn]![](https://upload.wikimedia.org/wikipedia/commons/thumb/c/cd/Vulva_and_anus_with_raphe_perinealis.jpg/200px-Vulva_and_anus_with_raphe_perinealis.jpg)
An daou zoare boutin da gempenn ar c'hourzh eo :
Kizidikoc'h eo ar c'hourzh eget ar c'halc'h ouzh ar mikroboù.
Abalamour da ziwall diouzh koeñvadur o c'hourzh ez eus kalz merc'hed oc'h implij dour ha gwezeladoù. Ret eo diwall ouzh an aozadoù implijet, a c'hall endelc'her elfennoù kimiek a dag ar c'hroc'hen dreist-holl en ul lec'h kizidik. Aes eo tapout ur gouhinfo, bilimadur ar gouhin.
Liammet eo yec'hed ar c'hourzh ouzh an doare-bevañ, an evezh taolet ouzh an naetadurezh, ar boued yac'h. Ret eo implij soavonoù dous, naturel, bevedel, ha gwalc'hiñ eus an tu diaraok d'an tu an diadreñv.
Minellañ ar c'hourzh
[kemmañ | kemmañ ar vammenn]- Gwelout: Minellañ ar c'hourzh
Merc'hed zo e plij dezho minellañ o c'hourzh e doare pe zoare. Darn a ya betek muturniañ pe toullañ ar c'hroc'hen.
![]() Tog an ellig, minellet |
![]() Kourzh minellet |
Yezh
[kemmañ | kemmañ ar vammenn]E latin e veze graet pudendum femininum eus ar c'hourzh'[1]. Ar ger pudendum a dalv kement ha lodennoù mezhus da lavarout eo ar pezh n'eo ket dereat diskouez.
Er sevenadur hindou e reer gant ar ger sanskritek « Yoni ( योनि ) », dezhañ meur a ster, hag en o zouez feunteun a vuhez, neved, hag all.
Ar c'hourzh en arz
[kemmañ | kemmañ ar vammenn]Abaoe pell e klask an arzourien tresañ pe livañ ar c'hourzh, aroueziañ galloud an organ-se da « reiñ ar vuhez », rak kemmesk a zo etre kourzh ha gouhin abaoe ar ragistor, met nebeutoc'h-nebeutañ dre ma kresk ar skiant hag anaoudegezhardivink-genel an den. Kemmesk zo ivez etre kourzh hag oriadell, ar blijadur reizhel.
-
Tresadennoù eus oadvezh ar maen
-
Maen paleolitik, ur c'hourzh treset warnañ
-
Linga-Yoni
-
Yoni
-
Sheela na Gig, delwenn dezhi ur c'hourzh brasaet
-
Tri c'hourzh hag ur c'halc'h askellek
-
Arouez Píča
-
Orin ar bed, taolenn gant Gustave Courbet, 1866
Notennoù
[kemmañ | kemmañ ar vammenn]Liammoù diavaez
[kemmañ | kemmañ ar vammenn]- Organoù reizhel ar merc'hed (fr)
- Kourzh deskrivet (fr)
- 3dvulva.com (en)
Pennadoù kar
[kemmañ | kemmañ ar vammenn]
|