Lucy Madox Brown
| Reizh pe jener | plac'h  |
|---|---|
| Bro ar geodedouriezh | Rouaned Breizh-Veur hag Iwerzhon |
| Anv e yezh-vamm an den | (Emma) Lucy Madox Brown Rossetti |
| Anv-bihan | Lucy |
| Anv-familh | Brown |
| Deiziad ganedigezh | 19 Gou 1843 |
| Lec'h ganedigezh | Pariz |
| Deiziad ar marv | 12 Ebr 1894 |
| Lec'h ar marv | Sanremo |
| Tad | Ford Madox Brown |
| Breur pe c'hoar | Catherine Madox Brown |
| Pried | William Michael Rossetti |
| Yezhoù komzet pe skrivet | saozneg |
| Yezh implijet dre skrid | saozneg |
| Micher | livour |
| Luskad | Rakrafaelouriezh |
| Tachenn | history painting, poltred, genre painting |
| Levezonet gant | Ford Madox Brown |
| Statud e wirioù aozer | Ar gwirioù aozer ne dalvezont ket ken |
| Teuliad arzour e | Frick Art Research Library |
Lucy Madox Brown (Pariz 1843 - ) a oa ul livourez saoz eus amzervezh ar Rakrafaelourien, hag a zimezas da unan anezho, William Michael Rossetti, breur d'al livour Dante Gabriel Rossetti ha d'ar varzhez Christina Rossetti.
He buhez
[kemmañ | kemmañ ar vammenn]Merc'h e oa da Ford Madox Brown ha da Elizabeth Bromley. He mamm a varvas e 1846, pa oa tri bloaz ar verc'hig. Kaset e voe da chom gant he moereb, Helen Bromley, a veve e Gravesend, e Kent.
En 1856 ez eas da chom da di an tiegezh Rossetti, da Londrez. Eno e veze kelennet gant Maria Francesca Rossetti a zeuas goude da vezañ c'hoar-gaer dezhi.
Dimeziñ ha bugale
[kemmañ | kemmañ ar vammenn]
D'an 31 a viz Meurzh 1874 e timezas da William Michael Rossetti, eil mab Gabriele Rossetti ha Frances Polidori, ha goude-se e labouras nebeutoc'h evel arzourez.
Beaj-eured a voe, dre Vro-C'hall hag Italia, betek Napoli, e miz Ebrel 1874. Pa zistrojont da Vro-Saoz e kavjont diaes bevañ gant tiegezh William's family, hag abalamour d'o mennozhioù relijiel disheñvel diouzh re he div c'hoar-gaer Frances ha Christina, a oa devodezed kristen, ez ejont da chom da gêr Bloomsbury war-dro dibenn 1876[1].
Kenlabourat a reas da sevel buhez Mary Shelley , en dastumad ‘Eminent Women Series’ en 1890.
Bugale o doe:
- Olivia Frances Madox, ganet e Gwengolo 1875,
- Gabriel Arthur, ganet e C'hwevrer February 1877,
- Helen Maria, e miz Du 1879,
- gevelled, Mary Elizabeth ha Michael Ford, en Ebrel 1881. Michael a varvas en-bihan.
Dizoue e oa Lucy ha Wiliam, ha ne voe ket badezet o bugale, a voe skoliet er gêr gant ho mamm hag ur c'houarnerez.
E 1897 e timezas Olivia d'ur repuad italian anarkour, Antonio Agresti. Mont a rejont da chom da Italia. Eno e teuas Olivia da vezañ troourez ha skrivagnerez. Pa intañvezas e 1926 e kenlabouras gant Ezra Pound.
Gabriel Arthur, pe Arthur evel a veze graet anezhañ, a voe skiantour, hag a zimezas da Dora Lewis, ha bugale o doe.
Helen a voe livourez, hag e 1903 e timezas da Gastone Angeli, un den klañvidik hag a varvas un toullad mizioù goude o eured. Ur verc'h dalif o doe, Imogen Lucy, en 1904.
He marv
[kemmañ | kemmañ ar vammenn]Klañv e oa gant an droug-skevent, ha mont a reas da Italia abalamour d'he yec'hed. Mervel a reas d'an 12 a viz Ebrel 1894 en Hotel Victoria, e Sanremo, e bezañs he fried hag he merc'h Olivia. Beziet e voe e bered La Foce. Fellout a reas dezhi leuskel he madoù gant he bugale, ha kement-se, hervez Dinah Roe, d'o gwareziñ bete-gouzout ec'h addimezje he fried[2].
Skeudennaoueg
[kemmañ | kemmañ ar vammenn]-
Poltred Lucy Madox Brown graet gant he zad, Ford Madox Brown -
Sinatur Lucy Madox Brown -
-
Ar Melezour Hud -
Margaret Roper gant penn he zad -
Romeo e Giulietta -
The Duet -
Ferdinand ha Miranda o c'hoari echedoù, er pezh-c'hoari The Tempest -
Ferdinand and Miranda, studienn -
Romeo and Juliette, studienn
Liammoù diavaez
[kemmañ | kemmañ ar vammenn]- Rossetti, Lucy Madox im Dictionary of National Biography