Oberiadur-brezel Iskra
Rann eus | Seziz Leningrad ![]() |
---|---|
Anvet diwar | spark ![]() |
Stad | Rusia ![]() |
Lec'h | Sant-Petersbourg ![]() |
Daveennoù douaroniel | 59°54′0″N 31°4′3″E ![]() |
Deiziad kregiñ | 12 Gen 1943 ![]() |
Deiziad echuiñ | 30 Gen 1943 ![]() |
Order of battle | Order of battle during Operation Iskra ![]() |
![Map](https://maps.wikimedia.org/img/osm-intl,a,59.9,31.0675,300x300.png?lang=br&domain=br.wikipedia.org&title=Oberiadur-brezel_Iskra&revid=2107947&groups=_2fa6e7f320e4894b7ab0c5c76c8da5682523c9c6)
![](https://upload.wikimedia.org/wikipedia/commons/thumb/6/62/Iskra_21-1-43.jpg/310px-Iskra_21-1-43.jpg)
Oberiadur-brezel Iskra (rusianeg: операция Искра, alamaneg: Zweite Ladoga-Schlacht) a oa bet un oberiadur milourel soviedel e-pad an Eil Brezel-bed war Talbenn ar Reter. Pal an oberiadur a oa lakaat fin da sez Leningrad gant ar Wehrmacht. Munudoù an oberiadur a oa kroget nebeut amzer goude faezhadenn an Argadenn Sinyavino. Koll an Alamanted en Emgann Stalingrad e fin ar bloavezh 1942 en devoa breskaet o zalbenn. E miz Genver 1943, an nerzhioù soviedel a oa o prientiñ argadennoù lies war an talbenn a-bezh, dreist-holl e su Rusia, Iskra a oa lodenn norzh an enep-argad goañv soviedel eus 1942–1943.
![](https://upload.wikimedia.org/wikipedia/commons/thumb/8/88/RIAN_archive_93172_Defenders_of_Leningrad.jpg/220px-RIAN_archive_93172_Defenders_of_Leningrad.jpg)
An oberiadur a oa bet kaset da benn gant Talbenn Leningrad an Arme Ruz, Talbenn Volkhov, hag ar Flodad Baltek etre an 12 hag an 30 a viz Genver 1943. Ar pal a oa krouiñ un hent douar etrezek kêr Leningrad. An nerzhioù lu soviedat a oa kendeuzet d'an 18 a viz Genver, ha d'an 22 e oa stabilaet al linenn talbenn. An oberiadur-brezel a oa deuet a-benn da sevel ul linenn dezougen 8–10 kilometr. Ul linenn tren a voe savet buan ha buan evit degas pourvezioù e kêr e-plas tremen dre Hent ar vuhez (doroga zhizni) a dremene dre al lenn Ladoga pa oa skornet. Dre grouidigezh an hent-houarn e oa bet izelaet kalz chañsoù an Alamanted ha Finlandiz da aloubiñ Leningrad.
![](https://upload.wikimedia.org/wikipedia/commons/thumb/5/5e/RIAN_archive_602484_Joining_of_Leningrad_and_Volkhov_Fronts.jpg/220px-RIAN_archive_602484_Joining_of_Leningrad_and_Volkhov_Fronts.jpg)
Ar Soviediz o devoa kollet 33 940 soudard lazhet ha 71 142 gloazet, an Alamanted 12 000 lazhet ha 32 570 gloazet.