Omsk
Neuz
![](https://upload.wikimedia.org/wikipedia/commons/thumb/4/4d/Omsk_Drama_Theatre.jpg/260px-Omsk_Drama_Theatre.jpg)
Omsk (Омск e rusianeg) zo ur gêr vras e Rusia, e mervent Siberia. Poblet eo gant 1 129 281 a dud ha, gant se, ez eo an eil kêr vrasañ e Siberia, goude Novosibirsk, hag ar seizhvet kêr vrasañ e Rusia.
Emañ Omsk war-hed 2 700 km er reter da Voskov ha kêr-benn Oblast Omsk eo ivez. Emañ e kember ar stêrioù Irtych hag Om hag un arsav eo war al linenn hent-houarn a-dreuz Siberia.
Da vare Impalaeriezh Rusia e oa en Omsk sez gouarnour Kornôg Siberia. E-pad ur pennad berr, e 1918-1919, e voe kêr-benn Arme Gwenn Rusia a stourme a-enep ar volcheviked. Kêr-benn kozaked Siberia eo ivez, ha sez eskopti Omsk ha Tara.
Liammoù diavez
[kemmañ | kemmañ ar vammenn]- (ru) Lec'hienn Omsk