Alexander Nevsky
Si Alexander Nevsky (1220?-12630 usa ka Rusong prinsipe ug sundalo. Siya nahimong usa ka nasodnong bayani tungod sa iyang kadaogan batok sa mga kaaway sa Rusya. Siya usab usa ka santos sa Simbahang Ortodokso sa Rusya.
Sa iyang panahon, ang Rusay gitunga ngadto sa mga prinsipalidad, mga rehiyon nga gipamunoan ug mga prinsipe. Ang iyang amahan, si Yaroslav, usa ka importanteng Rusong prinsipe kinsa nahimong lider sa gran-prinsipalidad sa Vladimir niadtong 1236. Sa samang tuig, si ALexander gipiling prinsipe sa prinsipalidad sa Novgorod, diin nahi-apila gn dakbayan sa Velikiy Novgorod.
niadtong 1237, gisugdan sa mga Mongol ang pagsakop sa Rusya. Sa pagkatapos sa 1240, nahi-apil na ang Rusya sa Imperyong Mongol. Ang mga Mongol interesado sa pagpadayon sa ilang gahom ug sa pagkolekta ug mga buhis. Mikooperar si Alexander kanila, og wala gayod sila makahilabot sa Novgorod.
Niadtong 1240, napildi ni Alexander ang mga pwersang Swiso didto sa suba Neva. Human niadto, gitawag na siyang Alexander Nevsky, nga nagpasabot og "Alexander sa Neva". Niadtong 1242 gipildi niya ang mga Alemang mangkrusada, ang mga Kabalyerong Teutoniko sa usa ka inilang sangka sa nagyelong lanaw sa Peipus. Ang mga kabalyero nagtinguha nga kabigon ang mga Ruso ngadto sa Romano Katolisismo gikan sa Simbahang Ortodokso sa Rusya. Tungod sa iyang pagtabang sa pagtuong Ruso, siya gihimong santos niadtong 1574.
Niadtong 1252, nahimo si Alexander isip gran prinsipe sa Vladimir, apan nagpadayon ang iyang pagmando sa Novgorod. Sa uwahing 1250 ug 1260, mialsa ang katawhan sa Novgorod batok sa padayong pagbayad og buhis ngadto sa mga Mongol. Gihunong ni Alexander ang mga pag-alsa sa dihang mi-adto siya sa ulohang kwarter sa mga Mongol aron awhagon ang mga Mongol sa dili pagkastigo sa mga nag-alsang mga Ruso, ug usab aron paminawon ang ilang mga reklamo. Nakuha ni Nevsky ang iyang gi-adto, apan siya namatay sa pagbalik ngadto sa Rusya niadtong Nobyembre 14, 1263.