Taron Egerton
| Taron Egerton | |
|---|---|
Si Taron Egerton kay British nga artista ug mag-aawit. Nakadaog siya ug Golden Globe Award ug nanominado para sa duha ka British Academy Film Award, usa ka Grammy Award, ug usa ka sa Screen Actors Guild Award.
Nasikat siya tungod sa silida nga Kingsman: The Secret Service, diin iya karakter kay si Gary "Eggsy" Unwin.
Sayo nga kinabuhi[usba | usba ang wikitext]
Gipanganak si Taron David Egerton pag 10 November 1989, sa Birkenhead, Merseyside, England. Iya mga ginikanan kay gikan sa duol nga lugar, sa Liverpool. Iya lola kay Welsh.[1] Naa siyay duha ka igsuon nga babaye.[2] Iya pangalan kay gikan sa Welsh nga taran; apan nasayop ug pagsuwat sa iya inahan, nga dili gikan sa Wales, unya nahimog Taron.
Iya amahan kay musikero. Iya inahan kay social worker.[3] Nagbuwag iya mga ginikanan pagkabata niya. Pagkahuman ug buwag nila, gidala si Egerton sa iya inahan sa Llanfairpwllgwyngyll sa Anglesey, Wales. Didto pud siya nag-eskwela.
Ningbalhin sila sunod sa Aberystwyth. Pagkabata ni Egerton, nagkainteres siya sa animasyon, paghimo ug panilsil, ug drawing. Nagsugod siya ug acting pagka-kinse anyos niya, tungod sa pagdasig sa iya barkada. Nagtuon siya sa Ysgol Penglais School unya nagpadayon sa Royal Academy of Dramatic Art, hain ning-gradwar siya pag 2012. Naa siyay Bachelor of Arts (Hons) pag-gradwar niya sa RADA.
Karera[usba | usba ang wikitext]
Nagsugod si Egerton sa gamay nga role sa Lewis, usa ka TV show sa British channel nga ITV. Iya karakter didto kay si Liam Jay. Pagkahuman, ning-apil siya sa main cast sa The Smoke. Siya pud ang nagdala sa role nga Gary "Eggsy" Unwin sa Kingsman: The Secret Service ug Kingsman: The Golden Circle; diri siya nagsugod ug kasikat. Tungod ani, nag-sign siya ug kontrata sa 20th Century Fox para sa tulo ka silida.
Naa pud siyay mga role sa Testament of Youth, Billionaire Boys Club, Sing, ug Robin Hood.
Kinabuhi[usba | usba ang wikitext]
Gitawag ni Egerton iya kaugalingon nga Welsh. Kamao pud siya sa Welsh nga sinultian, uban sa Ingles.
Ganahan si Egerton ug "umbrella in the rain" nga paghigugma. Bisan ug batan-on siya, ingon siya nga dili siya hilig anang dating app. Ning-ingon siya (sa Ingles): "Actually, I have asked a girl out Kamikaze-style. I stopped her on the Tube and said, 'I think you're gorgeous, I think we should go for a drink some time.' It's terrifying, but ultimately so much more rewarding." Nag half day siya sa eskwelahan para makipag date ani nga babaye.[4] Lapas sa duha ka tuig na sila nag date sa usa ka babaye nga ang pangalan kay Emily Thomas.[5]
Bilang usa ka puti ug heterosexual nga lalaki, nagpakita si Egerton ug suporta sa mga tawo nga mas nagkalisod kaysa niya: mga babaye, ang LGBT community, ug mga dili puti nga tawo.
- ↑ "Taron Egerton on The Jonathan Ross Show, said starting at 0:52". 25 January 2015 – via YouTube.
- ↑ "Kids try to pronounce Taron Egerton's name!". Magic Weekend Breakfast. 24 November 2018. Retrieved 14 July 2019 – via YouTube.
- ↑ "Meet Taron Egerton: 12 Things to Know About the Kingsman Breakout". Yahoo! Movies. 13 February 2015.
- ↑ "Colin Firth And Taron Egerton On Tinder, Style & The State Of British Men". Shortlist magazine. 22 January 2015.
- ↑ "'Rocketman' Takes Flight: Inside Taron Egerton's Transformation Into Elton John (and, He Hopes, a Major Star)". Hollywood Reporter. 06 May 2019.
{{cite web}}: Check date values in:|date=(help)