Pecita
| |||||
|---|---|---|---|---|---|
| |||||
| Inula viscosa | |||||
| Classificazione scentifica | |||||
| Regnu | Plantae | ||||
| Divisione | Magnoliophyta | ||||
| Classa | Magnoliopsida | ||||
| Ordine | Asterales | ||||
| Famiglia | Asteraceae | ||||
| Generu | Dittrichia | ||||
| Nome binuminale | |||||
| Inula viscosa Aiton, 1753 | |||||
| |||||
A Pecita (o pichita) (Dittrichia viscosa) hè un fiore chì face parte di a famiglia di l'Asteraceae.
Descrizzione
[mudificà | edità a fonte]A pecita hè una pianta erbacea vivace appartinendu à a famiglia di l'Asteraceae. Si distingue per via di u so picciolu rittu, pudendu aghjunghje un'altezza da 1 à 2 metri, è e so casce opposte, strette è lungarine, coperte d'una sustanza viscosa. I fiori gialli, ragruppati in capulini, sò caratteristichi di 'ssa spezia.
A pecita pò esse cunfusa incù Dittrichia graveolens, ma e foglie di e duie spezie ùn sò micca listesse.
Distribuzione
[mudificà | edità a fonte]L'ariale d'origine di a pecita hè custituitu da e rigione custiere di u mare terraniu, ma per a so rusticità è capacità d'adattamentu, si sparghje à spessu versu l'internu è s'hè naturalizata ancu in altre rigione di l'Europa è in u Nordu di l'America. In Italia hè cumunissima in tutti e rigione di a penisula è di l'isule, mentre hè menu frequente in u nordu.
A pecita hè assai cumuna in Corsica.[1] Si vede à spessu à u cantu di i stradoni o in i chjosi.
Biolugia
[mudificà | edità a fonte]Dittrichia viscosa hè una pianta resistente. Hè capace à sopravvive in cundizione ambientale difficile, in particulare timperature alte è una debule dispunibilità d'acqua. A so capacità à produce una sustanza viscosa annantu à e so casce li permette di riduce a perdita d'acqua in evapurazione è di resiste à a sicchina.
'Ssa spezia si riproduce per u più in via vegetativa, grazia à i so rizomi chì li permettenu di furmà culonie dense. Pò ancu riproduce si per via di i granelli, chì sò spergugliati da u ventu. A pecita fiurisce di regula da lugliu à sittembre, attirendu l'insetti inamacatori cum'è l'ape è e farfalle.
Tassonumia
[mudificà | edità a fonte]Parechji sinonimi di Inula viscosa soDittrichya viscosa
- Inula viscosa var. viscosa
- Inula viscosa var. mideltiana Batt.
- Erigeron viscosus L.
- Cupularia viscosa (L.) Godr. & Gren.
- Conyza major Bubani
- Chrysocoma camphorata
- Chrysocoma verticalis Lag.
Cunsirvazione
[mudificà | edità a fonte]A pecita hè cunsiderata cum'è una spezia invadente in certe rigione induv'ella hè stata introdutta fora di a so area di ripartizione naturale. A so crescita rapida è a so capacità à furmà culonie dense ponu caghjunà a supprissione di e spezie indigene è disturbà l'ecusistemi lucali.
In certe rigione, misure di gistione sò messe in piazza per cuntrullà a prupagazione di Dittrichia viscosa. Quessa pò inchjude l'eliminazione manuale di e piante, l'usu d'erbicidii sibulati o a promuzione di a cumpetizione incù altre spezie indigene. A sensibilisazione di u publicu à l'impattu di 'ssa pianta invadente hè ancu impurtante per privene a so prupagazione è pruteghje l'ecusistemi fragili.
Usi
[mudificà | edità a fonte]Ci conta Paulu Simonpoli ch'è a pecita era imprudata tempi fà per mette i fichi sopra è fà li siccà.[2]
Inoltre, a pecita entria, à tempu cù l'alloru è u finochju in a cumposizione di u brodu chì si fecia per mette l'uva passa à mogliu, prima di fà la siccà dinù.[3]
Galleria d'imagine
[mudificà | edità a fonte]-
-
A cascia di a pecita -
E casce -
Da vede dinù
[mudificà | edità a fonte]Note
[mudificà | edità a fonte]Bibliugrafia
[mudificà | edità a fonte]- Conrad, Marcella, I corsi è e piante salvatiche, avà è innanzi, 1981, Adecec
- Ciavatti, Petru (dir. redazzione) Dizziunariu U Muntese, 1984, Albiana
- Gamisans, Jacques (1996), A flora endemica di Corsica, Edisud (in francese)
- U Scoddu, misincu di cultura è d'infurmazione, ottobre 2007
- Paulu Simonpoli, E piante salvatiche - Cunniscenze è usi, 1982, Parcu Naturale di Corsica Archiviu 2012-01-11 at the Wayback Machine
- Jeanmonod D. & Gamisans J. (2013) Flora Corsica (2 ed), Edisud.
Altri prugetti
[mudificà | edità a fonte]
Wikimedia Commons cuntene imagine annantu à A pecita
