Golu

U Golu in Ponte Novu, u paisolu celebre annantu à a cumuna di Castellu di Rostinu

U Golu hè un fiume di a Corsica nordu-orientale, u più longu di l'isula incù più di 89 km di percorsu, chì si svolghje tuttu in u territoriu di u Cismonte.

Percorsu

U Golu in Albertaccia, à un' altezza di 1346 metri: a Piscia di e Radule:

U Golu nasce da e pendite di u Paglia Orba à circa 2000 metri d'altitudine, è mantinendu per guasi tuttu u tracciatu una direzzione privalente Nordu-Punente/Sudu-Livante, sfocia dopu in u mar' Tirrenu vicinu à u Stagnu di Biguglia, in i circondi di l'aeruportu di Bastia-Puretta. Ùn traversa micca impurtanti centri abitati. In i circondi di Calacuccia alimenteghja un lavu artificiale. I so affluenti principali sò l'Ascu è a Casaluna.

U Golu hè un corsu d'acqua abbastanza breve ma riccu d'acqua, incù una purtata media di 14.1 metri cubi à a siconda in Volpaghjola, ma incù fluttuazione staghjunale assai impurtante.

U fiume hà datu u nome à l'anzianu dipartimentu di u Golu, criatu in u 1796 è suppressu in u 1811 incù a custituzione di u dipartimentu unicu di a Corsica. U dipartimentu di Cismonte, criatu in u 1976, hà listesse limite geugrafiche ch'è u pricidente dipartimentu di u Golu.

Affluenti

L'affluenti di u Golu sò:

• l'Ascu
• a Casaluna

I rampali è l'usine elettriche

U rampale di Calacuccia

• u rampale di Calacuccia, l'usina elettrica di Sovenzia
• u rampale di Corscia, l'usina elettrica di Corscia
• a centrale elettrica di Castirla (360 m)
• u rampale à u nordu di Ponte à a Leccia (177 m)
• u rampale di Prunelli di Casacconi (68 m)
• l'anziana usina elettrica di Chjuselli (54 m) (Prunelli di Casacconi)
• a riserva d'acqua di Gazza (51 m) (Prunelli di Casacconi)
• u rampale di Lucciana (48 m)

Citazione

Accade chì u Golu fussi citatu in a cultura corsa. Per esempiu:

• in a spressione beie si à Golu chì vole dì: avè assai sete
• in a canzone Golu di Felì:

Monte Cintu mi dà è friscura è purezza

Falgu salti saltendu da teppa à cutalone

Sò u fiume sò Golu di fole è di passione

Ma pocu à tè ti preme o Senna à tè fiumone

• in u pruverbiu: U pentone luteracciu imbriglia Golu è u Vescuvacciu

Riferimenti

• Ciavatti, Petru (dir. redazzione) Dizziunariu U Muntese, 1984, Albiana

Ligami

• Golu, puesia di Ghjacumu Thiers, Interromania

Da vede dinù

• Lista di fiumi di Corsica

I fiumi di Corsica

Abatescu Alisu Bevincu Bravona Cavu Fangu Figaredda Fiumaltu Fiumorbu Golu Gravona Liamonu Ortolu Ostriconi Osu Portu Prunelli Restonica Rizzanesu Stabiacciu Sulinzara Taravu Tavignanu Travu