Carla Lane
Awdures Seisnig oedd Carla Lane OBE (ganwyd Roma Barrack; 5 Awst 1928 – 31 Mai 2016)[1] a oedd yn gyfrifol am ysgrifennu sawl comedi sefyllfa ar deledu yn cynnwys The Liver Birds (1969-78), Butterflies (1978-82), a Bread (1986-91).[2]
Carla Lane | |
---|---|
Ganwyd | 5 Awst 1928 ![]() Lerpwl ![]() |
Bu farw | 31 Mai 2016 ![]() Mossley Hill ![]() |
Dinasyddiaeth | ![]() |
Galwedigaeth | sgriptiwr ![]() |
Gwobr/au | OBE ![]() |
Bywyd cynnar
golyguGanwyd Roma Barrack yn West Derby, Lerpwl.[3][4] Gwasanaethodd ei thad Gordon De Vince Barrack, a anwyd yng Nghaerdydd,[5][6] yn y llynges fasnach. Aeth i ysgol gwfaint, ac yn 7 oed, enillodd wobr ysgol am farddoni.[7] Fe'i magwyd yn West Derby ac yna Heswall.[8] Gadawodd ysgol yn 14 oed, a gweithiodd yn y byd nyrsio.[1] Yn ôl ei hunangofiant, fe briododd yn 17 oed a chafodd ddau fab erbyn yr oedd yn 19 oed,[7] er bod cofnodion swyddogol yn dangos ei bod yn 19 pan briododd.[4]
Gyrfa ysgrifennu
golyguYn y 1960au roedd hi'n ysgrifennu straeon byrion a sgriptiau radio. Daeth ei llwyddiannau cyntaf mewn cydweithrediad â Myra Taylor, a gyfarfu mewn gweithdy awduron yn Lerpwl, cyn iddi gychwyn ar ei gyrfa unigol. Fe fyddai Carla a Myra yn cyfarfod yn aml yng Ngwesty Adelphi yng nghanol dinas Lerpwl i ysgrifennu.[9]
Lles anifeiliaid
golyguRoedd Lane wedi bod yn lysieuwraig ers 1965 ac yn ymroddedig i ofal a lles anifeilaid,[1] Ffurfiodd ymddiriedolaeth yr "Animal Line" yn 1990 gan Carla gyda'i ffrindiau Rita Tushingham a Linda McCartney.[1] Yn 1991, prynodd Ynys Tudwal Fach ar arfordir Llŷn, i amddiffyn ei fywyd gwyllt.[1]
Yn 1993, fe addasodd dir ei phlasdy, "Broadhurst Manor" yn Horsted Keynes, Sussex, mewn i warchodfa anifeiliad 25 erw.[9] Rhedodd y warchodfa am 15 mlynedd cyn gorfod cau oherwydd cyfyngiadau ariannol.[10] Yn 2002 danfonodd Lane ei OBE yn ôl i'r prif weinidog ar y pryd, Tony Blair mewn protest am greulondeb i anifeiliaid.[11] Yn 2013, agorwyd gwarchodfa anifeiliaid "Carla Lane Animals In Need centre", yn ei henw, yn Melling, Glannau Merswy.[12]
Bywyd hwyrach a marwolaeth
golyguCyhoeddodd ei hunangofiant, Someday I'll Find Me: Carla Lane's Autobiography, yn 2006. Bu farw Lane yng nghartref nyrsio Stapley yn Lerpwl ar 31 Mai 2016.[11]
Cyfresi teledu
golygu- 1969-78, 96 - The Liver Birds (gyda Myra Taylor ac eraill)
- 1971-76 - yn Bless This House (gyda Myra Taylor ac eraill)
- 1974 - No Strings
- 1975 - Going, Going, Gone... Free?
- 1977 - Three Piece Suite
- 1978-83, 2000 - Butterflies
- 1981-83 - The Last Song
- 1981-82 - Solo
- 1984-85 - Leaving
- 1985-87 - The Mistress
- 1985-86 - I Woke Up One Morning
- 1986-91 - Bread
- 1992 - Screaming
- 1993-94 - Luv
- 1995 - Searching
Cyfeiriadau
golygu- ↑ 1.0 1.1 1.2 1.3 1.4 "Carla Lane, television scriptwriter – obituary". The Daily Telegraph. 1 Mehefin 2016. Cyrchwyd 1 Mehefin 2016.
- ↑ Carla Lane dead: The Liver Birds and Bread creator who returned OBE dies aged 87 (en) , The Independent, 31 Mai 2016.
- ↑ "Roma Barrack: Births". FindMyPast.co.uk. Cyrchwyd 31 Mai 2016.
- ↑ 4.0 4.1 "Roma Barrack: Marriage record". FindMyPast.co.uk. Cyrchwyd 31 Mai 2016.
- ↑ "Gordon Barrack: Births". FindMyPast.co.uk. Cyrchwyd 31 Mai 2016.
- ↑ "Barrack/Foran: Marriages". FindMyPast.co.uk. Cyrchwyd 31 Mai 2016.
- ↑ 7.0 7.1 Carla Lane (31 October 2006). Someday I'll Find Me: Carla Lane's Autobiography. Robson Books. ISBN 18-61059736.
- ↑ "Liver Birds and Bread creator Carla Lane has died aged 87". Liverpool Echo. 31 Mai 2016. Cyrchwyd 31 Mai 2016.
- ↑ 9.0 9.1 Ellen, Barbara (16 Tachwedd 2008). "Going to a good home". The Observer. Cyrchwyd 31 Mai 2016.
- ↑ Thompson, Jody. "Carla Lane forced to close her animal rescue centre". Mirror.co.uk. Cyrchwyd 1 Mehefin 2016.
- ↑ 11.0 11.1 "Television sitcom writer Carla Lane dies, aged 87". BBC News. 31 Mai 2016. Cyrchwyd 31 Mai 2016.
- ↑ Hewett, Emily (7 Medi 2015). "Bread writer Carla Lane opens £315k special care unit at animal sanctuary". Daily Mail. Cyrchwyd 1 Mehefin 2016.
Dolenni allanol
golygu- Carla Lane(safle swyddogol). Archifwyd 2012-10-30 yn y Peiriant Wayback o'r gwreiddiol ar 29 Hydref 2012.
- Carla Lane ar wefan y Sefydliad Ffilm Prydeinig
- Carla Lane ar wefan Internet Movie Database