Deintgig
Mae'r deintgig neu cig y dannedd yn cynnwys meinwe fwcosaidd sy'n gorwedd dros yr ên isaf (mandibl) ac asgwrn yr ên uchaf (macsila) y tu fewn i'r geg. Mae iechyd a chlefyd deintgig yn gallu cael effaith ar iechyd cyffredinol yr unigolyn.[1]
![]() | |
Enghraifft o'r canlynol | strwythur o fewn anifail, dosbarth o endidau anatomegol ![]() |
---|---|
Math | organ zone, endid anatomegol arbennig ![]() |
Rhan o | gên ![]() |
![]() |
Nodweddion deintgig iach
golyguLliw
golyguFel arfer, mae gan ddeintgig iach liw sydd wedi'i ddisgrifio fel "pinc cwrel." Mae lliwiau eraill fel coch, gwyn, a glas yn gallu bod yn arwydd o enyniad (llid y deintgig) neu batholeg. Er bod yn lliw yn cael ei ddisgrifio fel pinc cwrel, mae amrywiaeth yn y lliw yn bosibl. Gall hyn fod o ganlyniad i ffactorau fel: trwch a mesur ceratineiddiad yr epitheliwm, llif y gwaed i'r deintgig, pigmentiad naturiol, clefyd a meddyginiaethau.[2]
Gan fod lliw y deintgig yn gallu amrywio, mae cysondeb lliw yn bwysicach na'r lliw ei hun. Gall gormodedd o melanin achosi sbotiau neu glytiau tywyll ar y deintgig.
Amlinelliad
golyguMae deintgig iach yn edrych yn llyfn ac yn grwm neu sgolpiog ar bob dant. Mae deintgig iach yn llenwi a ffitio i bob bwlch rhwng y dannedd, yn wahanol i'r papila chwyddedig a welir mewn llid y deintgig neu'r agorfa gwag rhwng y dannedd a welir mewn clefyd amddanheddol. Mae deintgig iach yn glynu'n dynn wrth bob dant, yn teneuo wrth ddringo, tra bod ymylon deintgig llidiog, ar y llaw arall, yn ymddangos wedi "rowlio" neu wedi chwyddo.
Gwead
golyguMae gan ddeintgig iach wead cadarn sy'n gwrthsefyll symudiad, ac mae'r gwead ar yr arwyneb yn aml yn arddangos dotweithio arwynebol, tebyg i groen oren. Mae deintgig afiach, ar y llaw arall, yn aml wedi chwyddo ac yn llai gwydn.
Ymateb i gynnwrf
golyguNid yw deintgig iach yn ymateb i gynnwrf arferol fel brwsio neu chwilota amddanheddol. Bydd deintgig afiach yn gwaedu neu'n diferu'n grawnllyd.
Gweler hefyd
golyguCyfeiriadau
golygu- ↑ Gum disease opens up the body to a host of infections 6 Ebrill 2016 Science News
- ↑ Mosby's Medical Dictionary, 8th edition. 2009, Elsevier.