Pictiaid: Gwahaniaeth rhwng fersiynau
MystBot (sgwrs | cyfraniadau) B r2.7.1) (robot yn ychwanegu: ar:بيكتس |
B r2.7.1) (robot yn ychwanegu: fa:پیکت |
||
Llinell 41: | Llinell 41: | ||
[[et:Piktid]] |
[[et:Piktid]] |
||
[[eu:Pikto]] |
[[eu:Pikto]] |
||
[[fa:پیکت]] |
|||
[[fi:Piktit]] |
[[fi:Piktit]] |
||
[[fo:Piktar]] |
[[fo:Piktar]] |
Fersiwn yn ôl 07:39, 26 Chwefror 2012
![](https://upload.wikimedia.org/wikipedia/commons/6/60/DupplinHarper.jpg)
![](https://upload.wikimedia.org/wikipedia/commons/thumb/7/74/Loch_Tay_Crannog.jpg/200px-Loch_Tay_Crannog.jpg)
Pobloedd hynafol a drigai yng ngogledd yr Alban oedd y Pictiaid. Mae tarddiad yr enw arnynt yn ansicr. Mae'r gair Lladin Picti ("pobl paentiedig") yn cyfeirio at eu harfer o liwio a thatwio eu cyrff. Cyffelyb eu hystyr yw'r enwau ar eu gwlad yn Gymraeg - Prydyn - a Gwyddeleg, Cruithin. Mae'n bosibl hefyd fod cysylltiad ag enw Galeg llwyth Galaidd y Pictavi (neu'r Pictones). Picteg oedd iaith y Pictiaid ac mae ei pherthynas â'r ieithoedd Indo-Ewropeaidd a Cheltaidd yn ansicr. Un hen enw ar eu gwlad oedd Pictavia. Ymddengys mai pobl gyn-Geltaidd oeddyn nhw yn wreiddiol. Yr enw Cymraeg Canol arnyn nhw oedd Gwyddyl Ffichti, yn arbennig yn y Brutiau a'r Canu Darogan. Mewn un o Drioedd Ynys Prydain mae'r Gwyddyl Ffichti yn un o "Dair Gormes a ddaeth i'r ynys hon ac nid aeth yr un drachefn", ynghyd â'r Coraniaid a'r Saeson (Rachel Bromwich, gol., Trioedd Ynys Prydein, triawd 36).
Hanes cynnar
Ceir y cyfeiriadau hanesyddol cynharaf at y Pictiaid gyda'r Scotti yn y 3edd ganrif pan ymosodasant ar diriogaeth Rufeinig yn ardal Mur Hadrian. Creuwyd teyrnas ganddyn nhw i'r gogledd o Foryd Forth. Ar adegau roedden nhw'n brwydro yn erbyn Manaw Gododdin ac Ystrad Clud, y ddwy deyrnas mwyaf gogleddol yn yr Hen Ogledd, ond ar adegau eraill roedd perthynas da rhyngddyn nhw a Gwŷr y Gogledd. Yn y 6ed ganrif aeth Sant Columba i genhadu iddyn nhw, gyda chaniatad eu brenin. Unwyd teyrnasoedd y Pictiaid a'r Scotti gan Kenneth mac Alpin tua 850 i greu teyrnas yr Alban.
Teyrnasoedd cynnar
Mae hanes cynnar gwlad y Picitiaid yn aneglur, fel y gwelir. Yn ddiweddarach ceir tystiolaeth fod sawl brenin yn rheoli teyrnasoedd annibynnol a bod un neu ragor ohonyn nhw wedi llwyddo ar adegau i fod yn fath o uchel-frenhinoedd ar y lleill. Mae'n bosibl dadlau dros fodolaeth saith teyrnas ymhlith y Pictiaid, gan ddilyn tystiolaeth archaeolegol a'r cyfeiriadau yn y testun De Situ Albanie, y "Cronicl Pictaidd" Duan Albanach, a chwedlau Gwyddeleg. Dyma nhw:
- Cait, yn Caithness a Sutherland heddiw
- Ce, ym Mar a Buchan
- Circinn, yn Angus a'r Mearns efallai
- Fib, Fife heddiw
- Fidach, lleoliad anhysbys
- Fotla, Atholl (Ath-Fotla) heddiw
- Fortriu, Verturiones y Rhufeiniaid; o gwmpas ardal Moray
Llyfryddiaeth ddethol
- A. Small, The Picts (Dundee, 1987)
- Elizbaeth Sutherland, In Search of the Picts (Llundain, 1994)
- F.T. Wainwright (gol.), The Problem of the Picts (1956)