Cic dros ben
![Llun o ddyn sydd ar fin cicio pêl](https://upload.wikimedia.org/wikipedia/commons/thumb/6/60/Diego_Costa_y_%C3%81ngel_Trujillo_-_01.jpg/300px-Diego_Costa_y_%C3%81ngel_Trujillo_-_01.jpg)
Cic dros ben yw symudiad corfforol mewn pêl droed pan mae'r chwaraewr yn taflu ei gorff yn yr awyr tra'n cicio'r bêl tuag yn ôl, i geisio sgorio gôl. Mae'r symudiad acrobatig hwn yn gymhleth ac yn anghyffredin mewn gemau pêl-droed cystadleuol ac yn cael ei ddathlu mewn newyddiaduriaeth oherwydd hynny, yn enwedig pan fo'r chwaraewr yn sgorio.
Cafodd y gic dros ben ei dyfeisio yn Ne America, o bosib mor gynnar â'r 19g, yn ystod cyfnod o ddatblygiad mewn hanes pêl-droed, a cheir peth anghytuno o ran ble yn union y gwnaed y symudiad am y tro cyntaf. Mae'n fwy na thebyg i hyn ddigwydd ym Mrasil, Tsile neu Periw.
Enw
[golygu | golygu cod]![Llun o ddyn yn cicio pêl yn yr awyr](https://upload.wikimedia.org/wikipedia/commons/thumb/7/72/Ruben_Mendoza_bicycle_kick.jpg/300px-Ruben_Mendoza_bicycle_kick.jpg)
Mae ambell i gyfeiriad at y 'gic dros ben' yn y cyfryngau Cymraeg.[1][2]. Mae e hefyd yn cael ei alw'n 'gic din dros ben', gan fod y symudiad yn debyg i hanner 'bwrw din dros ben'. [3][4].
Mewn ieithoedd eraill, mae'r enw yn adlewyrchu'r weithred. Casglodd y newyddiadurwr chwaraeon Alejandro Cisternas, o'r papur newydd o Tsile El Mercurio, restr o'r enwau.[5] Yn y rhan fwyaf o achosion, maen nhw yn cyfeirio at sisyrnau fel ciseaux retourné (siswrn yn dychwelyd) yn Ffrangeg a psalidaki yn Roeg. Fel arall gweithred seiclo ar feic yw'r cyfeiriad, megis pontapé de bicicleta.[5] ym Mortiwgaleg. Felly hefyd yn y Saesneg, ble gelwir y gic dros ben yn bicycle kick, overhead kick neu scissors kick.
Cyferiadau
[golygu | golygu cod]- ↑ http://www.faw.org.uk/news/FAW61841.ink[dolen farw]
- ↑ http://golwg360.cymru/chwaraeon/pel-droed/46910-bangor-yn-trechu-llanelli
- ↑ http://golwg360.cymru/newyddion/cymru/185349-y-geltaidd-yn-ennill-ffeinal-ddramatig
- ↑ https://twitter.com/iolocheung/status/679674132074749954
- ↑ 5.0 5.1 "En Todas Partes Se Llama Chilena". Cyrchwyd 7 Gorffennaf 2015. Unknown parameter
|iaith=
ignored (help); Unknown parameter|awdur=
ignored (help); Unknown parameter|dyddiad=
ignored (help); Unknown parameter|cyhoeddwr=
ignored (help); Unknown parameter|gwaith=
ignored (help)