Ffïoedd dysgu
Tâl a godir ar fyfyrwyr am hyfforddiant yn ystod eu haddysg uwch yw ffïoedd dysgu a thaliadau dysgu. Cant eu codi gan brifysgolion i gynorthwyo i ariannu staff, cyfadrannau, cyrsiau, offer, systemau cyfrifiadurol, llyfrgelloedd, cyfleusterau'r campws ac ati.
Mae'r gwahanol ffyrdd o dalu ffïoedd yn cynnwys benthyciadau, grantiau, bwrsarïau, cynilion ac ysgoloriaethau. Yn gyffredinol yn y Deyrnas Unedig, telir ffïoedd dysgu gan fenthyciad a warentir gan y llywodraeth, ac nid yw'n rhaid eu talu yn ôl nes bod y myfyriwr wedi cwblhau'i astudiaethau ac yn ennill cyflog.
