Ebro

Ebro
Swójske mě	Ebro/Ebre
Ebro w Saragosy Ebro w Saragosy
Stat	Špańsku
Pśestrěń	83.093 km²
Dłujkosć	925 km
Žrědło	Sierra del Cordel
Wulew	do Srjejźnego mórja

Ebro ([ˈeβべーたɾo]; katalański Ebre [ˈeβべーたɾə]) jo wjelika rěka w dłujkem zajtšu Špańskeje. Z dłujkosću wót 925 km jo wóna pó rěce Tajo druga nejdlejša rěka Iberiskeje połkupy. Jeje rěcyna ma pśestrěń wót něźi 83.000 km². W starowěku jo njasła rěka łatyńske mě Iberus. Ceła połkupa bu pó rěce pomjenjowana.

Rěka wužrědli se w Kantabriskich górinach we wjasce Fontibre (fontes iberis, „žrědła Ebra“) we wusokosći wót 1600 m. Běžy do pódzajtšnego směra pśez regiony Kantabriska, Kastilska-Léon a La Rioja, źož se namaka znate winowe plahowanišćo Rioja. Pótom pśeběžyjo Ebro awtonomne regiony Navarra, Aragoniska a Kataloniska. Stolica Aragoniskeje jo znate uniwersitne město Saragosa nad Ebrom. W pódpołdnjookataloniskej prowincy Tarragona namaka se 300 km² wjeliki delta Ebra, kótaryž stoj wót lěta 1983 pód pśirodošćitom. Mjaz městoma Amposta a Deltebre wulewa se rěka do Srjejźnego mórja.

Pśi pśewažnje wót dłujkego wjacora do krotkego zajtša běžecej rěce su natwarili tśi rěcne zawěry k dobywanju energije za katalańsku metropolu Barcelona.

Wobraze

• 
  Ebro w měsće Tortosa
• 
  Górny běg rěki
• 
  W delśe Ebra

Wótkaz

 Commons: Ebro – Zběrka wobrazow, widejow a audio-datajow