Addai mantad Edessa
Thaddeus mantad Edessa Saint Addai ܡܪܝ ܐܕܝ | |
|---|---|
 | |
| Born | c. 1st century AD Edessa, Osroene, Roman Empire |
| Died | c. 2nd century AD |
| Venerated in | Church of the East Roman Catholic Church Eastern Orthodox Church Oriental Orthodox Church Church of Caucasian Albania |
| Feast | August 5 |
| Patronage | Assyrians[1] |
Tumanud do tradisi Kristian Timur, Addai mantad Edessa (Syriac: ܡܪܝ ܐܕܝ, Mar Addai toi ko' Mor Aday sumoonu id bontuk Latin Addeus) toi ko' Thaddeus mantap Edessa nopo nga songulun mantad turu nohopod tutumanud di Jesus.
Koposion
[simbanai | simbanai toud]
Tumanud mogikaakawo tradisi Kristian Timur, Addai nopo nga songulun Johudi i nosusu id Edessa (baino ointutunan sabaagi Şanlıurfa, Turkey). Minongoi isio id Jerusalem montok karamayan id nombo nokorongou isio kaajalan di Yohanes Pembaptis (St. John the Forerunner). Kalapas nopodsu id Bawang Jordan, minion isio id Palestin om nosiliu tutumanud di Jesus. Nopili isio sabaagi songulun mantad turu nohopod tutumanud i pinaatod miampai mikoruhang(soroduo-duo) montok menginjil id kakadayan-kakadayan om kinoyonon pointantu.
Kalapas Pentakosta om kinoinsawatan di Jesus, mimpuun i Addai popotongkop Injilid Mesopotamia, Syria om Persia. Papatahbis isio tongopaado id Edessa, poposiliu tulun kumaa Kristian om monoodo garaja hilo. Minongoi nogi isio hiloBeirut montok menginjil, om ogumu otumbayaan do minonuridong isio garaja hilo.[2]
Liturgi Syriac I sumuku nogi do Liturgi Addai om Mari mantap di kiikiro 200 toun Masihi om gunoon do Gereja Assyrianal id Kosilahon om Gereja Katolik Chaldean (koduo-duo nopo nga poinlongkod id Iraq); nga gunoon nogi Gereja Syriac Kosilahon id India i monusui tadon diolo ii no Rasul Thomas, ii no Gereja Chaldean Syrian[3] om Gereja Katolik Syro-Malabar .
Pesta nopo disio nga ramayon ontok 5 Magus id suang kalendar Kristian.[1]
Addai om kinolingasan Raja Abgar
[simbanai | simbanai toud]| Part of a series on the |
| Eastern Orthodox Church |
|---|
 |
| Overview |
| Part of a series on |
| Oriental Orthodoxy |
|---|
 |
| Oriental Orthodox churches |
Id pialatan do tutumanud Ortodoks Kosilahon, Addai nopo nga tutumanud Kristus[4] i pinaatod di Rasul Thomas kumaa Edessa montok momolingos Raja Abgar V mantad Osroene, i sumakit. Tinumimporon isio hilo montok papasarabak ugama om nokoposiliu[5] Abgar—toi ko' Agbar, toi ko' "Acbar" id versi Latin — om tutumanud nopo dau nga kaampai no i Saint Aggai om Saint Mari.[6]
Susuyan kokomoi poingkuro Raja Abgarus V[7][8][9] om Jesus do miromut maya surat pinosusui di kumoinsan ontok abad ko-4 do sejarawan gerej Eusebius mantad Caesarea.[10] Maya nontodon legenda diti, pinokito i Eusebius do dokumen i kiharo do surat rasmi di Abgar om Jesus, om otumbayaan kopio iso kokomoi katapatan dokumen dii gisom do minaganu om minomoguno dii id suang karya dau Ecclesiastical History. Tumanud di Eusebius:
Thomas, songulun mantad hopod om duo rasul, id siriba kounsuban ilahi minapaatod di Thaddeus, songulun mantad turu nohopod tutumanud di Kristus, minongoi hilo Edessa, sabaagi songulun pendakwah om penginjil do ponudukan di Kristus. (Historia Ecclesiastica, I, xiii)
Susuyan kokomoi pomolingasan om goos penginjilan di Addai minogowit kumaa koburuon komuniti Kristian id kabaatan Armenia, koibutan Mesopotamia om id Syria kosilahon do Antioch. Poinsuat o susuyan di Thaddeus id dokumen Syriac, Doctrine of Addai,[11] i poposusui tonggungan di Addai om minoposiliu dii do songulun mantad 72 Rasul i pinaatod montok papasarabak iman Kristian.[12] Kiikiro korikot timpu legenda di gumuli hilo Syria, ii no kinoyonon kaka imej ajaib dii, ogumu kinaantakan ajaib do hilo.[13]
Mogikaakawo tradisi
[simbanai | simbanai toud]Nokoimbulai nogi i St. Addai id Apocalypse Koiso Yakobus om Apocalypse Koduo Yakobus.[14]
Id suang tradisi Roman Katolik, isio om Saint Mari nopo nga penaung montok momogun Parsi om Assyria.[1]
Sukuon
[simbanai | simbanai toud]- ↑ 1.0 1.1 1.2 "Saint Who? Saints Addai and Mari". Magnificat. Magnificat USA. 20 (12): 76. January 2019.
- ↑ CNA. "St. Jude Thaddeus and St. Simon the Zealot, Apostles". Catholic News Agency (id boros Inggilis). Linoyog ontok 2022-05-29.
- ↑ Brown, Leslie W. (1956). The Indian Christians of St Thomas: An Account of the Ancient Syrian Church of Malabar. Cambridge: Cambridge University Press. p. 281.
- ↑ Sengstock, Mary C. (1982). Chaldean-Americans: Changing Conceptions of Ethnic Identity. Center for Migration Studies. ISBN 9780913256428.
- ↑ Herbermann, Charles George (1913). The Catholic Encyclopedia. Encyclopedia Press. p. 282.
- ↑ Neale, John Mason (2008). A History of the Holy Eastern Church: The Patriarchate of Antioch: The Patriarchate of Antioch. Wipf and Stock Publishers. p. 38. ISBN 978-1-60608-330-7.
- ↑ Bowman, Alan; Garnsey, Peter; Cameron, Averil (2005). The Cambridge Ancient History: Volume 12, The Crisis of Empire, AD 193-337 (id boros Inggilis). Cambridge University Press. ISBN 9780521301992.
- ↑ Skolnik, Fred; Berenbaum, Michael (2007). Encyclopaedia Judaica (id boros Inggilis). Macmillan Reference USA. ISBN 9780028659435.
- ↑ Roberts, John Morris; Westad, Odd Arne (2013). The History of the World (id boros Inggilis). Oxford University Press. ISBN 9780199936762.
- ↑ Eusebius, Church History, 1.13 and 3.1
- ↑ Noegel, Scott B.; Wheeler, Brannon M. (2010-04-01). The A to Z of Prophets in Islam and Judaism (id boros Inggilis). Scarecrow Press. p. 89. ISBN 9781461718956.
- ↑ Luke 10:1 – 20
- ↑ Walter Bauer, Orthodoxy and Heresy in Earliest Christianity, 1934, (in English 1971) (On-line text)
- ↑ Robert Eisenman, James the Brother of Jesus : The key to Unlocking the Secrets of Early Christianity and the Dead Sea Scrolls, 1997 (Viking Penguin). Especially the section "Thaddeus, Judas Thomas and the conversion of the Osrhoeans", pp 189ff.