Shibuya, Tokyo

Shibuya 渋谷しぶや区く
Wad Khas
Kakadayan Shibuya
Tumanud arah jaam mantad id sawat: Lintasan Shibuya Bangunan NTT Docomo Yoyogi Yoyogi Park Ralan Takeshita id Harajuku
Flag Seal
Lokasi Shibuya id Tokyo
Coordinates: 35°39′34″N 139°42′02″E
Pogun	Japan
Region	Kantō
Prefecture	Tokyo
Government
• Mayor	Ken Hasebe (mantad Ngiop 2015)
Area
• Total	15.11 km2 (5.83 sq mi)
Population  (October 1, 2020)
• Total	243,883
• Density	16,140/km2 (41,800/sq mi)
Time zone	UTC+9 (Japan Standard Time)
Simbol
• Puun	Zelkova serrata
• Bunga	Iris ensata
Upis kakadayan	Shibuya 1-18-21, Shibuya-ku, Tokyo 150-8010
Website	www.city.shibuya.tokyo.jp

Shibuya (渋谷しぶや区く, Shibuya-ku, IPA: [ɕibɯja] ) nopo nga iso wad khas id Tokyo Metropolis, Jepun. Longkod komersil om kousinan di apangkal, id Shibuya haro duo stesen koritapui di bobos atangkangau id pomogunan, ii nopo nga Stesen Shibuya om Stesen Shinjuku. Gisom 1 Milatok 2024, na'aga do haro soginumu 230,609 mogigion id Wad Shibuya id suang do 142,443 suang walai om miampai kepadatan mogigion soginumu 15,262.01 tulun id tikid kilometer persegi (39,528.4 tulun/wt). Ginayo kinoyonon dii nopo nga 15.11 km2 (5.83 watu persegi). Kosombolon om watas di nointutunan id Shibuya nopo nga kaampai no Harajuku, Ebisu, Omotesandō, Yoyogi om Sendagaya. Asaru gunoon o "Shibuya" montok sumuku do kinoyonon posorili do Stesen Shibuya, kinoyonon di ointutunan sabaagi longkod apangkal montok fesyen Jepun om koubasanan sukod wagu, om iso nogi kinoyonon kohiakan totuong di bobos nointutunan id Tokyo.

Sajara'

Tumanud sajara', Shibuya nopo nga tapak istana hinonggo poingion o paganakan di Shibuya mantad abad ko-11 gisom timpu Edo. Mantad kinoukaban do Jalur Yamanote ontok toun 1885, nokotimpuun do nokoimbulai o Shibuya sabaagi terminal koritapui montok kotonobon Tokyo, om nokosiliu nogi sabaagi do pusat komersial om kohiakan di apangkal.

Kampung-kampung id Shibuya minaan potinano' ontok toun 1889 miampai piomungan do kampung Kami-Shibuya, Naka-Shibuya om Shimo-Shibuya id suang Minami-Toshima County (Toyotama County mantad 1896). Kampung diti nopo nga popohompit kinoyonon Stesen Shibuya moden om nogi kinoyonon Hiroo, Daikanyama, Aoyama, om Ebisu. Nokosiliu o Shibuya do kakadayan ontok 1909. Miamung o Kakadayan Shibuya miampai kakadayan misampaping do Sendagaya (i popohompit kinoyonon Senda moden, Harajuku om Jingumae) montok mombontuk do wad disan kakadayan Shibuya-ku soira noserap kumaa Kakadayan Tokyo ontok 1932. Nokosiliu o Shibuya wad khas kakadayan id siriba do Akta Autonomi Tempatan ontok 1947.

Noukab o Tokyu Toyoko Line ontok 1932 om nosiliu o Shibuya do terminal di apangkal id pialatan do Tokyo om Yokohama, om nakaampayat nogi o ponogulu Keio Inokashira Line ontok 1933 om ponogulu Wawayaan Tokyo Metro Ginza ontok 1938. Susuyan di Hachikō, tasu di minagandad tongotiagak di sanganu dau id Stesen Shibuya tikid tadau mantad po 1923 gisom 1935, pinopoimbulai do sensasi pogun sabap do lisih dau di amu opiduo ginawo. Nowonsoi o iso patung Hachikō i misampaping do stesen dii om posorili nopo Dataran Hachikō nga nokosiliu iso kinoyonon pitimbungakan di bobos nointutunan id kinoyonon dii.

Shibuya ontok 1959

Ontok minogigion o Jepun, noguno o Taman Yoyogi sabaagi kinoyonon kawalayan montok kukumaraja' A.S. i ointutunan sabaagi "Washington Heights". Minogidu o soudor A.S. ontok toun 1964 om soboogian ginayo do taman dii ginuno kawagu sabaagi kinoyonon montok Olimpik Timpu Alasu 1964. Wad di sondii kiguno sabaagi soboogian mantad do olahraga 50 km mamanau om kursus maraton maamaso temasya 1964.

Ontok pintangaan 1990-an, Shibuya-kei, iso microgenre do muzik pop nokosiliu do garakan perdana id Jepun. Pinosuai miampai ponginsamakan "momutul-om-manampil", nokoingkawas ontok dohuri do 1990-an om nokoinsiriba kalapas minundaliu o mamamain di apangkal dau kumaa id woyo muzik di suai.

Geografi

Shibuya ontok 1952

Ponongsiba do Shibuya ontok 2020

Shibuya popohompit do ogumu watas komersial om kawalayan di nointutunan miagal ko' Daikanyama, Ebisu, Harajuku, Hiroo, Higashi, Omotesandō, Sendagaya, om Yoyogi.

Watas

• Kinoyonon Hatagaya:
  • Sasazuka, Hatagaya, Honmachi
• Kinoyonon Yoyogi:
  • Uehara, Ōyamachō, Nishihara, Hatsudai, Motoyoyogichō, Tomigaya, Yoyogikamizonochō
• Kinoyonon Sendagaya:
  • Sendagaya, Jingūmae
• Kinoyonon Ebisu-Ōmukai:
  • Kamiyamachō, Jinnan, Udagawachō, Shōtō, Shinsenchō, Maruyamachō, Dōgenzaka, Nanpeidaichō, Sakuragaokachō, Hachiyamachō, Uguisudanichō, Sarugakuchō, Daikan'yamachō, Ebisunishi, Ebisuminami
• Kinoyonon Hikawa-Shimbashi:
  • Shibuya, Higashi, Ebisu, Hiroo

Shibuya okito mantad Menara Mori Nulu Roppongi

Galeri

• 
  Soborongon Shibuya id topong do tana'
• 
  Kokitanan mantad dek pongintangan Sky View
• 
  Soborongon Shibuya ontok totuong
• 
  Ralan Shibuya ontok totuong
• 
  Bongunan "The Iceberg" id Shibuya