Alsìa
C'l artìcol chè 'l è scrit in
Carpśàn |
![](https://upload.wikimedia.org/wikipedia/commons/thumb/e/ed/Hazard_X.svg/100px-Hazard_X.svg.png)
![](https://upload.wikimedia.org/wikipedia/commons/thumb/c/c3/GHS-pictogram-exclam.svg/90px-GHS-pictogram-exclam.svg.png)
![](https://upload.wikimedia.org/wikipedia/commons/thumb/a/a1/GHS-pictogram-acid.svg/90px-GHS-pictogram-acid.svg.png)
L’alsìa l'era na solusiòun 'd àqua buìnta e sèndra 'd lègna filtrèda a travèrs al sindrēr ('na gràn pèsa 'd tela 'd cutòun ch'la fèva da sdâs), e ch'la dvintèva, gnènd śò in sìm'ai pan e i linsō spòrc, un perfèt detersìv, druê da 'l reśdóri in soquànti gròsi mastèli o anca in di parōl, da di tèimp dimòndi antìg infìn ai nòster an Essanta.
Al prinsìpi chìmic ch'a s cata in dl'alsìa, 'l è la solusiòun di carbunê 'd sòdi e 'd putàsi che gl'ìn dèintr' a la sèndra: i gh'àn dimòndi capacitê 'd śgrasèr e dòunca ed pulìr al bughê melnèt.
La mastèla acsè impinìda 'd pàn da lavèr con l'alsìa, la duìva armàgner férma per dagli ōri e anca tùta la nòt, acsè la matèina dôp el reśdōri i psìv'n avrìr'gh al tap ed sòta per descarghèrla vìa (mo a gh'éra anca d' quìli ch' i la tgniven da cât incòra per 'n èter lavàǵ). Cum'a sucéd anca in di lavàǵ modèren, dôp dal scargamèint edl'àqua melnèta con l'alsìa, a s duìva fer la śmulgadùra, a dir al risiàqvi, in dl'àqua dal canèl o dal fiùm, indû 'l bughè al duìva èser batû e strichê più e più volti.
Frèśi 'd rìsć
- R 36: Iritànt p'r i òć;
- H319: Al dà na grósa iritasiòun ai òć.
![](https://upload.wikimedia.org/wikipedia/commons/thumb/8/8d/8_Arbeitspl%C3%A4tze_f%C3%BCr_7_W%C3%A4schefrauen_und_1_W%C3%A4scher_mit_Waschzuber%2C_Waschbrett%2C_Gie%C3%9Fkanne_zum_Sonnen-Bleichen%2C_W%C3%A4scheklammern_und_Wechselgriff-B%C3%BCgeleisen.jpg/430px-thumbnail.jpg)
Cunsìli 'd prudèinsa
- S 2: Tgnìr luntàṅ dài ragasō;
- S 22: A n'respirèr mìa i fùm;
- S 26: S'a 'l và atâc ai òć, lavèr cun tant'àqua e sintìr al dutōr.
Manéri 'd dìr
(MUD) A lavèr la testa a l'èsen, a s gh'armàt l’alśìa, (IT) (lett.) A lavare la testa all'asino, si spreca il ranno, (fig.) Inutile tentare di correggere un tonto.
![](https://upload.wikimedia.org/wikipedia/commons/thumb/7/7b/Oktorp_nr_2._Tv%C3%A4ttbyk_med_tv%C3%A5_kvinnor._Sl%C3%B6inge_sn%2C_%C3%85rstads_hd%2C_Halland_-_Nordiska_Museet_-_NMA.0052547.jpg/420px-Oktorp_nr_2._Tv%C3%A4ttbyk_med_tv%C3%A5_kvinnor._Sl%C3%B6inge_sn%2C_%C3%85rstads_hd%2C_Halland_-_Nordiska_Museet_-_NMA.0052547.jpg)