Brigitte Nielsen
|
C'l artìcul chè 'l è scrit in
Miranduléś |
La Gitte Nielsen, cgnusùda méj cuma Brigitte Nielsen (Rødovre, 15 ad Luj dal 1963, a s lèś [ˈbʁigedə ˈnelsn̩] in danéś), l'è na mudèla, showgirl, persunàǵ televiśìṿ, cantànta e atōra danéśa naturaliśàda itagliàna.
La gh'à abû dimóndi sucès in di an Utànta quànd l'éra la mujēr ad Sylvester Stallone. La Nielsen la gh'à sinc fiōi e la s è spuśàda sinc vòlti, l'ultma cun 'l itagliàṅ Mattia Dessi in dal 2006.
Biugrafìa
Fiōla dna bibliutecàra e 'd 'n inśgnēr, la Brigitte la taca na caréra da mudèla a 'l inìsi di an Utànta, dasfrutànd anc al fat 'd èsar dimóndi élta (1,85 m), laurànd p'r i stilìsta Gianni Versace, Giorgio Armani e Ferré fra New York, Parì e Milàṅ. In dal 1985 la gira 'l sò prim film par Dino De Laurentiis, Yado, insém a Arnold Schwarzenegger.
Sèmp'r in dal 1985 la cgnós 'l atōr Sylvester Stallone ch'al dvènta sò marè e ch'al la vōl sèg in dal pelìculi Rocky IV e Cobra. Finî 'l sò matrimòni la riva in Itàglia par tōr part a 'l prugràma dal sàbat ad Canale 5 Festival insém a Pippo Baudo e a la Lorella Cuccarini. Durànt al show la canta 'l pès Everybody Tells a Story prudót par Giorgio Moroder ch'al gh dà la manéra 'd tacàr anc na caréra da cantànta.
La Nielsen la cuntìnua in chi an lè anc a far di film, tulénd part a Beverly Hills Cop II - Un piedipiatti a Beverly Hills II ad Tony Scott, a la pelìcula Domino da prutagunìsta e a 'l film ad scarésa 976 - Chiamata per il diavolo 2. In dal 1992 la preśénta 'l Fèstival da Sanremo insém a Pippo Baudo, la Milly Carlucci e l'Alba Parietti e la rècita in dla part dla Stria Négra in dla fiction Fantaghirò. In dal 1998 l'è a cap dla squàdra dal dóni élti in Ciao Darwin.
In dal 2000 la rècita in dal vìddeo Make Me Bad di KoЯn pò la tōś part a soquànt reality show cuma 'l Gran Fradèl VIP danéś (2003), La Talpa in Itàglia (2004) e 'l Gran Fradèl VIP ingléś (2005) in du la riva tèrsa. In dal 2009 Italia 1 la manda in ónda 'l prugràma Celebrity Bisturi cundót par l'Elisabetta Gregoraci ch'la fà védar soquànti sò uperasiòṅ ad belésa fati par di cirùśig plàstic.
Filmugrafìa
- 1985 - Yado (Red Sonja), regìa ad Richard Fleischer
- 1985 - Rocky IV, regìa ad Sylvester Stallone
- 1986 - Cobra, regìa ad George Pan Cosmatos
- 1987 - Beverly Hills Cop II - Un piedipiatti a Beverly Hills II (Beverly Hills Cop II), regìa ad Tony Scott
- 1988 - Bye Bye Baby, regìa 'd Enrico Oldoini
- 1988 - Domino, regìa ad Ivana Massetti
- 1991 - 976 - Chiamata per il diavolo 2 (976-EVIL II: The Astral Factor), regìa ad Jim Wynorski
- 1992 - Game Over - Scacco alla regina (The Double 0 Kid), regìa ad Duncan McLachlan
- 1992 - Codice marziale 3 - Missione giustizia (Mission of Justice), regìa ad Steve Barnett
- 1993 - Sorvegliata speciale (Chained Heat II), regìa ad Lloyd Simandl
- 1995 - Galaxis, regìa ad William Mesa
- 1995 - Prova d'infedeltà (Compelling Evidence), regìa ad Donald Farmer
- 1995 - The Silencer (Body Count), regìa ad Talun Hsu
- 1996 - Snowboard Academy, regìa ad John Shepphird
- 1998 - È troppo alta (She's too tall), regìa ad Redge Mahaffey
- 1998 - Paparazzi, regìa ad Neri Parenti
- 1999 - Hostile Environment, regìa ad David A. Prior
- 2000 - Il giorno del giudizio (Doomsdayer), regìa ad Michael J. Sarna
- 2008 - The Hustle, regìa ad Deon Taylor
- 2009 - The Fish, regìa ad Demetrius Navarro
- 2010 - Big Money Rustlas, regìa ad Paul Andresen
- 2011 - Ronal Barbaren, regìa dla Kresten Vestbjerg Andersen e 'd Thorbjørn Christoffersen
- 2012 - Eldorado, regìa ad Richard Driscoll
- 2012 - Skinny Dip, regìa ad Frankie Latina
- 2014 - Mercenarie (Mercenaries), regìa ad Christopher Ray
- 2015 - Exodus, regìa ad Tommy Ipsen
- 2018 - Trapped, regìa dla Katerina Gorshkov
Discugrafìa
Àlbum
- 1987 - Every Body Tells a Story
- 1991 - I'm the One... Nobody Else
- 2000 - No More Turning Back
- 2001 - Tic Toc
- 2002 - Gitta vs. RuPaul
- 2008 - Brigitte Nielsen