Cellular
|
C'l artìcul chè 'l è scrit in
Miranduléś |
 Cellular
| ||
| Cellular | ||
 La Basinger e Chris Evans in na figùra dal film | ||
| Telefunèṅ 2004 | ||
|---|---|---|
| Regìa: David R. Ellis | ||
| Scritōr: Larry Cohen • Chris Morgan | ||
| Atōr: Kim Basinger • Chris Evans • Jason Statham William H. Macy • Noah Emmerich • Eric Etebari Richard Burgi • Eric Christian Olsen • Jessica Biel Adam Taylor Gordon • Valerie Cruz • Caroline Aaron | ||
| Müsica: John Ottman | ||
| Léngua: Ingléś | ||
| Dürä dal film: 94 minüt | ||
| Nasiōṅ: Stat Unî • Germàgna | ||
Cellular (Telefunèṅ) 'l è 'n film thriller americàn dal 2004 ad David R. Ellis.
Custâ vint-sinc migliòṅ ad dòlar a 'l incìrca, al 'n à pò purtâ a cà da piò ad sinquànta-siē.
Sunt
La Jessica Martin (Kim Basinger) la viṿ a Los Angeles, l'è màdar ad famìja e insgnànta ad siénsi. Un dè la vèṅ purtàda via tut 'd un trat da 'n grup 'd óm, guidâ p'r Ethan Greer (Jason Statham), ch'i la sèran dènt'r a 'n tasèl mòrt e i gh śbràg'n al telefunèṅ par far in manéra che lē la n pòsa briśa ciamàr ajùt. Chi lōr i èṅ di pulisiòt curót, impgnâ in un tràfic ad dròga, e i péscan Craig (Richard Burgi), al marè dla Jessica, ad mistēr agènt ch'al vénd dal cà, parchè sénsa vlér lì lò 'l iva tòlt śò òṅ di lōr masamènt.
La mistra, miténd insém cum la pōl i fii dal telèfun, la gh la cava a far un nùmar e la dmanda ajùt a 'l prim ch'a rispónd, un śóvan surtìsta ch'al s ciàma Ryan (Chris Evans). Chi lò 'l è da pôc stâ dascargâ da la sò muróśa, la Chloe (Jessica Biel), e quànd al sènt qvél ch'a gh diś la Jessica al créd ch'a sia 'n schèrs. Sōl in un secónd mumènt al s impéggna dabòṅ par salvàr la famìja Martin prima ch'i sequestradōr i gh'àppian qvél ch'i vōlan e prima ch'i pòsan cupàr gl'ustàǵ.