Imenéo
C'l artìcol chè 'l è scrit in
Carpśàn |
![](https://upload.wikimedia.org/wikipedia/commons/thumb/e/ec/Hymenaios_Terme_di_Nettuno_Ostia_Antica_2006-09-08.jpg/230px-Hymenaios_Terme_di_Nettuno_Ostia_Antica_2006-09-08.jpg)
![](https://upload.wikimedia.org/wikipedia/commons/thumb/2/22/Wenceslas_Hollar_-_The_Greek_gods._Hymen.jpg/350px-Wenceslas_Hollar_-_The_Greek_gods._Hymen.jpg)
'L Imenéo (Υμέναιος in gréc) in dla mitulugìa greca, 'l è 'l dio ch'al porta bèin ai dū spōś.
In di spuśalìsi dl'antichitê gréca e romàna, al dio Imenéo 'l éra ciamê e cantê perchè sól al matrimòni c'n al só benestèr al srèv andê bèin.
El tradisiòun i vrèven al dio Imenéo na volta fiōl ed na Muśa e dl Apòl e n'ètra volta fiōl dal Bâc e dla Vener. Al srèv e-dvintê prutetōr di spōś dòp 'd aver'gh-la cavèda ed spuśèr l'aristocràtica ch'l amèva, in prémi p'r aver salvê lē e 'l só cumpàgni dai pirêt ch'i i avìven rapìdi. N'ètra tradisiòun la dirèv che lò, b'lìsim e brevìsim in dla mùśica, mèinter che 'l Bâc al se spuśèva l'Ariàna, al srèv mort o 'l avrèv pers la vōś tùt 'd un colp, 'd in dû a dvintèva importànt p'r i spōś ch'i gnìven dòp, la só protesiòun pròpi in cal mumèint lè.
Vóś lighèdi