Sasògna
|
C'l artìcul chè 'l è scrit in
Miranduléś |
La Sasògna (Sachsen in Tedésc, a s lèś [ˈzaksn̩]) l'è na regiòṅ dla Germàgna ch'la s cata in dal sud-èst dal stat, in dla sò banda dèstra. A s trata dal Bundesländer più ric dl'èx Germàgna Èst, cun n'impurtànta indùstria 'd micro-prucesōr ch'la gh'à rigalâ 'l scutmàj ad Silicon Saxony.
La cunfìna cun la Pulógna a èst, la Repùblica Céca a sud, la Bavéra a sud-òvest, la Turìngia a òvest, la Sasògna-Anhalt a nòrd-òvest e 'l Brandebûrg a nòrd. La sò capitàla l'è Drèśda cun Lìpsia, Chemnitz e Zwickau atri sità impurtànti. Al sò fiùm più cgnusû 'l è l'Élba.
La gh'à 10 sircundàri e 3 sità fóra sircundàri, c'n un pès ch'l'éra dla Śléśia, intór'n a la sità 'd Görlitz. In tut la mùcia sù da piò ad quàtar migliòṅ 'd abitànt, cun na superfìsi ad 18 415 km².
Al presidènt dal stat, da 'l dicémbar dal 2017, 'l è Michael Kretschmer dla CDU.
